Ձեր վստահելի աղբյուրը

«Պատերազմն ինձ համար ամենաատելի բանն է կյանքում»,- Ջերմուկում «Պատիվ ունեմ» դաշինքի ակտիվի և տեղի բնակչության հետ հանդիպման ժամանակ հայտարարել է ՀՀ երրորդ նախագահ, ՀՀԿ նախագահ Սերժ Սարգսյանը:

Նա նշել է, որ երբեք չի ցանկացել, որ որևէ տեղ ոչ միայն պատերազմ, այլ մարտական գործողություններ լինեն. «Բայց ով սարսափում է մարտական գործողություններից, արդյունքը սա է լինում՝ այսօր 6-ը վերցրին, վաղը 16-ը կվերցնեն, մյուս օրը 36-ը կվերցնեն, հետո ի՞նչ է լինելու»:

«Եթե ինքն ունենար այսքան արժանապատվություն, պետք է ինքնասպան լիներ։ Ես երդվում եմ՝ եթե ես լինեի Գերագույն գլխավոր հրամանատարը և այսպիսի վիճակ լիներ, ես ինձ ուղղակի կգնդակահարեի:

Ու՞մ է պետք այդպիսի կյանքը՝ 5000 հոգու մահը խղճիդ, էլ կովիդի 5000-ը չեմ ասում, ջախջախված զորք, ադրբեջանցին քեզ ուղղակի ծաղրում է, 10 կոպեկանոց է դարձնում, ասում է՝ դու ո՞վ ես, որ ես քեզ հաղթած լինեմ, դու փալասի մեկն ես, ես հաղթել եմ, և գիտեք՝ ազգանուններ է ասում»,- ասել է Սերժ Սարգսյանը:

Հանդիպումից մի հատված՝ տեսանյութում։