Ձեր վստահելի աղբյուրը

«Մենք բանակցությունների միջոցով այդ զորքերը հանելու ենք Հայաստանի տարածքից»,-Երևանի Մալաթիա-Սեբաստիա վարչական շրջանում քարոզարշավի ընթացքում լրագրողների հետ զրույցում ասաց «Լուսավոր Հայաստան» կուսակցության ցուցակը գլխավորող, կուսակցության նախագահ Էդմոն մարուքյանը:

Նա նշեց, որ իրենց բանակցելու տարբերությունը լինելու է՝ ունենալու են  բանակցող, իրենց բանակցվողը չի լքելու խրամատը, պետական ծառայությունը:

«Իրենց  բանակցելու արդյունքները մենք տեսել ենք, մեր բանակցելու արդյունքները  դուք չեք տեսել, կամ տեսել եք  իմ գործունեությունը Եվրոպայի խորհրդում, որը  շատ բարձր է գնահատվել:
Նայեք այս իշխանության  մարդկանց, բանակցողներին  ու նայեք մեզ, մեր արածին՝ լինելով ընդդիմություն»,- ասաց Է.Մարուքյանը: 

Նա նաև նշեց, որ 540 կմ սահմանը ամրացնելու են նոր տեխնոլոգիաներով. «Պետք չէ, որ 540 կմ-ին զինվոր կանգնի: 21-րդ դարն է, այդ ամբողջը տեսադիտվելու է  հեռվից»:

«Թշնամին եկել է, մտել մեր տարածք, նայեք այստեղ քննարկումն ինչի մասին է՝ այ 500 դրամանոց քաբաբ ուտող… Այս քարոզարշավի հռետորաբանությունն է:

Ես չեմ ուզում քաբաբի մասին զրուցել ժողովրդի հետ, այլ մեր սահմաններն ամրացնելու մասին: Մեր զրույցը երեկ, այսօր դրա մասին է,  ուզում եմ խոսել պատերազմի հետևանքներն ուսումնասիրելու ու մեր սխալներից դասեր քաղելու մասին»,- ասաց «Լուսավոր Հայաստան» կուսակցության նախագահը: