Ձեր վստահելի աղբյուրը

«Ես ասում եմ հետևյալը. ինքը ղալաթ է անում, ինքը սուտ է խոսում, որ իրենք ավելի շատ զենք-զինամթերք են բերել: Լկտին այդպիսին է՝ եթե բերանին չես տալիս, նա նորից սկսում է իր բերանի կեղտը շաղ տալ»,-  Աշտարակում բնակիչների հետ հանդիպմանն ասել է ՀՀԿ նախագահ, ՀՀ երրորդ նախագահ Սերժ Սարգսյանը, ով «Պատիվ ունեմ» դաշինքի թիմակիցների հետ այցելել է Արագածոտնի մարզ:

Նրա խոսքով, իրենք ոչ մի բան էլ չեն բերել, ոչ մի բան. «Պատերազմի ժամանակ միգուցե տվել են ինչ-որ բաներ, բայց մինչ այդ ի՞նչ են բերել: Ի՞նչ:

Նախ մեր ծրագիրն են քանդել, և մեր թողած փողերով գնացել, 4 հատ ինքնաթիռ են գնել, առանց զինամթերքի, որպեսզի նկարվեն այդ ինքնաթիռների ֆոնի վրա: Որևէ մեկն ինձ տեսե՞լ է Իսկանդերի կողքը կանգնած: Գնացել ես այնտեղ, ի՞նչ ես հասկանում դրանից, հլա նստում ես այդ ինքնաթիռի մեջ էլ։  Թող ասի այդ աննամուսը, այդ սուտասանը՝ քանի փամփուշտ է ստացել որպես ռազմատեխնիկական օժանդակություն»:

ՀՀ երրորդ նախագահի խոսքով, թվեր են կրակում՝ թե սա են բերել, այն են բերել, դրա հետ իրենք բացարձակապես կապ չունեն:

«Այդ պայմանագրերը մենք կնքել ենք 2016-2017 թվականներին։ Իրենք ընդհակառակը, մեր կնքած պայմանագրերն էլ են փոխել։ Ի՚նչ են իրենք բերել, ինչ, թող ասի՝ ի՚նչ են բերել։

Եթե այս թեման մինչև վերջ հասցնի, ես թվեր կհրապարակեմ։ Էշ-էշ խոսում է, թե թալանել են, բայց երեք տարի է այդ թալանածը չես գտե՞լ, քանի՞ մարդ ես գտել, որ թալանող է եղել։

Թող ասի՝ քանի փամփուշտ, արկ է բերել որպես ռազմատեխնիկական օժանդակություն»,- ասել է Սերժ Սարգսյանը: