Ձեր վստահելի աղբյուրը

Սյունիքում գտնվող Panorama.am-ի թղթակիցը սահմանային իրավիճակի, դրա մեղավորների,խանգարող հանգամանքների և ապագա հնարավոր խնդիրների մասին զրուցել է ՀՀ պաշտպանությն նախկին նախարար Սեյրան Օհանյանի հետ:

-Պարոն Օհանյան, ինչպե՞ս կգնահատեք Հայաստանի սահմանին ստեղծված իրավիճակը:

-Սահմանային իրավիճակը պետք է երկու տեսանկյունից նայել: Առաջին` այնտեղ, որտեղ որ դադարեցվեցին մարտական գործողությունները, այդ վայրերից առանց որևէ հիմնավորման, մեր երկրի իշխանությունների տված կարգադրությունների համաձայն մեր զորքերը հետ քաշվեցին, հետ քաշվեցին նաև Ադրբեջանցիների GPS-ական պարտադրանքներվ, որոնք ոչ մի հիմնավորում չունեին: Առաջինը՝ չկա հիմնավորված որևէ քարտեզ, այսօր ոչ մեկը չի կարող ապացուցել, թե Խորհրդային միության, որ քարտեզն է հիմք կազմում այդ սահմանի սահմանագծման և սահմանազատման:

Այս ամենի մեղավորները մեր պարտված իշխանություններն են, որոնք անընդհատ գտնվելու են այդ պարտադրանքի ներքո:

Երկրորդը՝ ինչու հետ քաշվելուց հետո մեր իշխանությունները չեն կարողացել կազմակերպել մեր այսօրվա գոյություն ունեցող սահմանների կահավորումը: Մեծ խելք պետք չէ, որպեսզի նստել քարտեզի շուրջը, հաշվել, թե որքան է ավելացել մեր սահմանները, ինչ ուժեր ունենք, ինչպիսի վերախմբավորում պետք է անենք այդ սահմանները հագեցնելու համար, որը պետք է արվեր ոչ միայն ՊՆ ուժերով, նաև ԱԱԾ-ի և այլ ուժերով, ինչու չէ, նաև այն ոստիկանական ուժերով, որոնք այսօր կառավարության ղեկից կառչած մարդուն են պահում և ժամանակին կահավորեին դրանք:

Միակ խանգառող հանգամանը եղել է, միգուցե, ձմեռային պայմանները և ձնածածկ բարձունքները:

Ինպես իրենք են ասում՝ ձնածածկ բարձունք է, տարվա կեսը ձյուն է, ի՞նչ տարբերություն հայ զինվորը կլինի այնտեղ, թե ադրբեջանցի զինվորը: Բայց այդպես չէ, զինված ուժերի ղեկավարությունը գիտի այդ բարձունքների ռազմավարական նշանակությունները և կարևորությունը: Նրանք կարող էին շատ արագ կերպով ուսումնասիրել և իմանալ, թե որբարձունքները կարող են զբաղեցնել, որոնք կարող են կողքի բարձունքներից վերահսկել, որ բարձունքներում ինչպիսի ընթացք է ստանում այդ ձնհալը: Մենք լավ գիտենք, թե որ բարձունքում երբ է լինում ձնհալը, բավականին բարձունքներ գիտենք, որոնք առաջինը մենք ենք բարձրանում և ապահովում ենք մեր անվտանգությունը:

Ասել է թե որոշում չի ընդունվել մեր սահմանները կահավորելու համար: Դեռ ավելին, եթե մեկ հատվածում ադրբեջանցիներն առաջ են եկել, խելացի ղեկավարը միանգամից ցուցում է տալիս, որ գոնե մնացած տեղերը փակեն բաց մնացած հատվածները: Երկու հարևանների պարիսպից եթե հարևանի անասունը մտնում է քո տարածք, ապա այդ հատվածը փակելու հետ մեկտեղ, քո երեխաներին ցուցում ես տալիս, արագ ստուգեն, թե ուրիշ տարածք կա անասունների անցնելու համար:

Եթե շարքային գյուղացին դա հասկանում է, ապա պետության ղեկավարը չի՞ հասկանում, որ մեր սահմանինները պետք է պաշտպանել, առավել ևս , որ աչ մի սահմանազատման և սահմանագծման պայման չունենք:

-Սահմանախախտումները հետագա ինչ բարդությունների առաջ են կանգնեցնելու Հայաստանին:

-Դեմիլիտացիա դեմարկացիա անում են այն ժամանակ, երբ դրա պայմանները կան, երբ թշնամի երկու պետությունները վերածվում են հարևան պետությունների, ստեղծվում է հարևան պետությունների խառը հանձնաժողով, միասին աշխատում են: Առանց դրա հակառակորդն առաջ է եկել: Այն ժամանակ էլ ես ասում էի, որ եթե թույլ եք տալիս առաջ գալ, ապա իրական դելիմիտացիայի և դեմարկացիայի ժամանակ շատ դժվար է լինելու իրենց հետ շպրտել, որովհետև նրանք ասելու են՝ սա մերն է: Այդ ամենը նրանք անում են այսօրվա իշխանություններին մինչև վերջ ճնշելու միջոցով, քանի որ իրենք գիտեն, որ հունիսի 20-ից հետո այս իշխանությունները չեն լինելու և անում են ամեն ինչ, որպեսզի մաքսիմալ պոկեն  և, իհարկե, նրանք առաջ են գալիս որպեսզի հետագայում այն շահարկեն փոխանակեն, իրենց ձեռնտու պայմաններով:

-Հնարավոր համարու՞մ եք, որ ադրբեջանցիների նման քայլերը Նիկոլ Փաշինյանի հետ բանավոր պայմանավորվածության արդյունք են:

-Ես ասացի, որ իշխանությունները պարտադրանքի տակ են և Ադրբեջանն անընդհատ թելադրելու է, բայց հունիսի 20-ից հետո չեն կարողանալու դա անել, որովհետեև իշխանությունը փոխվելու է:
Խելացի մարդը սովորում  ուրիշների սխալների վրա, նա իր մեկ, կամ գոնե երկու սխալից հետևություն է անում, բայց եթե մի հատվածում դու սխալ ես թույլ տվել և մնացած հատվածներում միջոցներ ձեռք չես առել փակելու այդ սահմանը, ապա դա նշանակում է, որ դու ընդհանուր առմամբ, կամ կառավարումից տեղեկություն չունես, կամ միտումնավոր ես դա անում:

Զրուցեց՝ Արմեն Վարդանյանը