Ձեր վստահելի աղբյուրը

«Մենք 1994 թվականից հետո չենք ունեցել գերիներ, ադրբեջանիցները ռիսկ չունեին դա անելու: Ես չեմ ասում՝ հրաձգություն չի եղել, նրանք չեն փորձել դիվերսիա անել, այդ ամենը եղել է: Բայց գերինե՞ր»,-  Աշտարակում բնակիչների հետ հանդիպմանն ասել է ՀՀԿ նախագահ, ՀՀ երրորդ նախագահ Սերժ Սարգսյանը, ով «Պատիվ ունեմ» դաշինքի թիմակիցների հետ այցելել է Արագածոտնի մարզ:

Նա նշել է, որ այսքանից հետո այդ աննամուսը ելույթ է ունենում, ասում է՝ մեր գերիները երկու ամիս էլ կհամբերեն, մեկ-երկու ամիս մեզ կներեն:

«Այնքան է լկտիացել, որ իրեն շատ բան է ներվել, դա էլ է ներվելու: Լավ, դա մա՞րդ է, խիղճ ունի՞: Ինքը չի հասկանում, թե այդ մարդիկ ինչի միջով են անցել, չի հասկանում, որ այդ մարդիկ ամեն օր մտածում են, թե երբ են իրենց սպանելու, երբ են խոշտանգելու: Ո՞նց կարող է այդպիսի բան լինել:
Ինքը հասկանո՞ւմ է՝ այդ մարդիկ ինչ վիճակում են: Դե պետք է թքես այդպիսի ղեկավարի վրա:

Հիմա ասում եմ՝ թող իր երեխուն տանի տա, տեղը 20-25 ռազմագերի հետ բերի: Մի հատ տեսեմ՝ դրանից հետո ինքն այդպե՞ս է խոսելու ռազմագերիների մասին: Իր համար ի՞նչ տարբերություն: Միշտ իր երեխաներին օգտագործել է իր փիառի համար, գոնե այս պարագայում օգուտ կունենանք, երկու-երեք տասնյակ զինվոր հետ կվերադառնա:

Բայց պարզ է չէ, չի անի: Իսկ եթե դու վախենում ես դիմադրել, պարզ է չէ, որ նրանք գալու են, անելու են»,- նշել է ՀՀ երրորդ նախագահը:

Սերժ Սարգսյանի խոսքով, նրանք արել են, տեսնում ես չի ստացվում բանակցություններով, դու էլ արա, 10-ն էլ դու վերցրու, 20-ն էլ դու վերցրու ու փոխանակի:

«Նորից եմ կրկնում՝ իր Աշոտիկին թող տա, փոխարենը 20-25 հոգի ստանա և այն ժամանակ ինքն ամեն օր դրանով կզբաղվի»,- ասել է Սերժ Սարգսյանը: