Փոստանջյանը՝ Փաշինյանի մասին. Մի գիշեր չդիմացողը, ասում է՝ դիմացեք մի քանի ամիս

Քաղաքական 10:41 09/06/2021 Հայաստան

Փոստանջյանը՝ Փաշինյանի մասին. Մի գիշեր չդիմացողը, ասում է՝ դիմացեք մի քանի ամիս

Փաստաբան, քաղաքական-հասարկական գործիչ Զարուհի Փոստանջյանը, արձագանքելով Նիկոլ Փաշինյանի այն հայտարարությանը, թե մեկ-երկու ամիս ավելի գերության մեջ մնացող տղաները կներեն, ֆեյսբուքյան իր էջում հիշեցրել է 11 տարի առաջ գիշերային զանգի մասին.

«Մի դրվագ Նիկոլ Փաշինյանի հետ կապված, որի անմիջական ականատեսը ես եմ եղել:
2010 թվականի աշնանը, երբ Նիկոլ Փաշինյանը «Հայկական ժամանակ» օրաթերթի գլխավոր խմբագիրն էր և կրում էր պատիժը «Կոշ» քրեակատարողական հիմնարկում, գիշերվա ժամին ինձ զանգահարեց նրա կինը` Աննա Հակոբյանը, խնդրելով գնալ «Կոշ» քրեակատարողական հիմնարկ, քանի որ Նիկոլ Փաշինյանը կալանավայրում լուրջ խնդիրներ ունի կապված անձնական անվտանգության հետ:

Գնացի «Կոշ» քրեակատարողական հիմնարկ, ժամեր շարունակ տեսա Նիկոլ Փաշինյանին նյարդային և վախեցած վիճակում: Նա հայտարարում էր, որ իր վրա տեղի է ունեցել հարձակում և ցանկանում է, որ իրեն տեղափոխեն այլ քրեակատարողական հիմնարկ: Նիկոլ Փաշինյանի ցանկությունը բավարարվեց, նրան տեղափոխեցին «Արթիկ» քրեակատարողական հիմնարկ: Նա այնտեղ մնաց հոյակապ պայմաններում, առանց այլ կալանավորների հետ շփման:

Զարմանա՞լ, թե՞ լալ…

Անձը, ով նույնիսկ մի գիշեր չէր կարողանում դիմանալ «Կոշ» քրեակատարողական հիմնարկում, Բաքվի բանտերում գտնվող մեր հայրենակիցներին ասում է՝ դիմացեք մի քանի ամիս»։

Հարակից հրապարակումներ`

Ալումյանը՝ Փաշինյանին. Թե՞ կարծում ես, որ մեր գերիների վիճակը Բաքվում ավելի բարվոք է, քան քո վիճակն էր Կոշում

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: