Ձեր վստահելի աղբյուրը

ԱԺ անկախ պատգամավոր, «Պատիվ ունեմ» դաշինքի ներկայացուցիչ Թագուհի Թովմասյանը ֆեյսբուքյան իր էջում հրապարակել է նախընտրական դաշինքի ծրագրի՝ իր ներկայացրած հատվածի տեսանյութը։

««Պատիվ ունեմ» դաշինքի նախընտրական ծրագիրը 10 խոսնակներով ներկայացրինք: Իմ ասելիքը համառոտ հետևյալն էր.

- Հետհեղափոխական Հայաստանում անհետացած քաղաքացիական հասարակության մասին․ այսօր էլ տեղի են ունենում մարդու իրավունքների աղաղակող ոտնահարման դեպքեր, բայց քաղհասարակությունն էլի մեծապես լուռ է,

- Սահմանամերձ բնակավայրերի բնակիչների խաղաղ կյանքի իրավունքն է ոտնահարվում, բայց էլի չկա աղմուկ,

-Անհրաժեշտ է, որ պետական դրամաշնորհային միջոցներով ազգային օրակարգ ունեցող քաղաքացիական հասարակություն ձևավորվի,

- Շրջակա միջավայրի պաշտպանությամբ զբաղվողները ևս առաջվա ակտիվությամբ աչքի չեն ընկնում. շատերը պաշտոնյաներ են դարձել,

-Բնությունը սպառել ենք՝ պետության, մասնավորի, քաղաքացու կողմից,
-մեր ազգային հարստության' Սևանա լճի պահպանման նպատակով գետերի վրա մաքրման կայանների դրման անհրաժեշտություն կա,

-անտառապահպանության և անտառստեղծման խնդիր ունենք լուծելու. անտառապատ բնակավայրերը հանձնվեցին թշնամուն,

- Էկոլոգիական դաստիարակությունը պետք է սկսենք դպրոցական նստարաններից»։