Ձեր վստահելի աղբյուրը

«Լուրջ խնդիր կա Հայաստանի Հանրապետւթյան քաղաքացիների ընտրական իրավունքի ճանաչման կապակցությամբ: Խոսքը վերաբերում է հատկապես այն քաղաքացիներին, որոնք մինչև պատերազմը բնակվում էին Արցախի այն հատվածներում, որը ներկայիս իշխանությունները հանձնեցին թշնամուն»,- ֆեյսբուքյան ուղիղ եթերում ասաց իրավապաշտպան Ռուբեն Մելիքյանը։

Նա նշեց, որ  բազմաթիվ ահազանգեր են ստացել, նաև անձնագրային բաժիններից, որ մարդկանցից  հրաժարվել էին ընդունել դիմումները:

«Այն մարդիկ, ովքեր ուզում են օգտվել իրենց ՀՀ քաղաքացու ընտրական իրավունքից և բավարարում են երկու չափանիշի՝ առաջին՝ նրանց գրանցումը թշնամուն հանձնված տարածքներին է վերաբերում, երկրորդ՝ փաստացի բնակվում են ՀՀ տարածքում, կարող են դիմել ինձ  կամ «Իրավական ուղի» իրավապաշտպան կազմակերպությանը, կփորձենք բոլորի հարցերը կարգավորել՝ հայցադիմումներ կազմել, դիմել դատարան ու տեսնել, թե դատարանն ինչպիսի դիրքորոշում կհայտնի»,- ասաց նա:

Մանրամասն՝ տեսանյությում: