Ձեր վստահելի աղբյուրը

«Հողատուն հողաշեն չի կարող լինել»՝ վստահ են ՀՅԴ Հայաստանի Երիտասարդական Միության անդամները:

Երիտասարդ դաշնակցականները կառավարության շենքի դիմաց են՝ ներկայացնելու այն փաստերը, որոնց հղում անելով, ըստ նրանց, կարելի է եզրակացնել, որ գործող իշխանությունների գոյությունը հակասում է Հայաստանի Հանրապետության շահերին:

«Վերջերս Նիկոլ Փաշինյանին Ֆրանսիայում մեր հայրենակիցները «դիմավորեցին», իր տեղը ցույց տվեցին, որ որպես ՀՀ ներկայացուցիչ չի կարող գնալ  և օտար երկրներում ներկայացնել Հայաստանի շահերը որպես  դավաճան, որպես մարդ, որ հանձնել է  Արցախի 70 տոկոսը: Ի պատասխան դրան՝ Փաշինյանն ասաց, որ  համաձայն է իրենց հետ, բայց թող գան ու իր դիմաց ասեն, թե ինչու է դավաճան, թեև մենք վեց ամիսների ընթացքում բազմիցս խոսել ենք, ասել, թե ինչու ենք Փաշինյանին ասել դավաճան»,- հայտարարեց երիտասարդներից մեկը:

Երիտասարդներն առաձնացրեցին մի քանի կետ.

«Նախքան պատերազմը ոչնչացրել է Հայաստանի  հարաբերությունները բոլոր դաշնակիցների հետ,  բանակցություններում իրեն դրսևորել է որպես անվստահելի գործընկեր,  ինչի հետևանքով պատերազմական գործողությունների ընթացքում  Հայաստանը մնացել է միայնակ, զրկվել միջազգային լծակներով Ադրբեջանի վրա ազդելու հնարավորությունից:

Բանակում իրական բարեփոխումների, անհրաժեշտ զենք և զինամթերք գնելու, դիրքերը  կահավորելու փոխարեն  նա նախընտրել է ոչ անհրաժեշտ և կոսմետիկ փոփոխությունները, որոնք կարելի կլիներ օգտագործել որպես էժանագին քաղաքական գովազդ: Օրինակ՝ սաղավարտներ, զրահաբաճկոններ գնելու փոխարեն բանակին մատակարարվել է ելակ, այն դեպքում, երբ սննդի խնդիր բանակում վաղուց չկար:

Պատերազմի մեկնակի առաջին օրվանից հայտարարել է ռազմական դրության, օգտագործել է  միայ  ընդդիմադիրների լռեցնելու համար, չի կազմակերպել զորահավաք և զորքերի համալրում, չի իրականացրել ռազմական դրությանից բխող մյուս միջոցառումները:

Պատերազմի ընթացքում խուսափել է թշնամուն զգալի կորուստներ պատճառելուց, չի օգտագործել հայկական բանակի զինանոցում եղած  տեսակները»:

Բացմաթիվ կետեր ընթերցելուց հետո  հայտարարեցին. «Մենք ասում ենք, որ Փաշինյանը դավաճան է, սա մեր քաղաքական գնահատականն է, հուսով ենք՝ հունիսի 20-ից հետո նաև կլինի իրավական գնահատականը»:

Դիմեցին կառավարության մոտ հավաքված ոստիկաններին՝ նշելով, որ պաշտպանում են հողատու մարդու, ով չի պաշտպանում ՀՀ շահերը:

Երիտասարդներդները ելակ, կոնֆետներ թափեցին կառավարության դիմաց, «որպեսզի լափեն  այս իշխանություններն ու մարտունակ լինեն»:

«Եթե մտածում են ելակով, կոնֆետով, լավ ներքնազգեստով կարող են մարտունակ լինեն, որ այդպես են ներկայացնում, թող լափեն ու մարտունակ լինեն, քանի որ հունսի 20-ից հետո պատասախան են տալու Հայաստանն այսպիսի վիճակի հասցնելու, զոհված տղերքի համար, 90-ականներին զոհված Արցախն ազատագրած տղերքի համար»:

Այնուհետև ոստիկանները սկսեցին քաշքշելով բերման ենթարկել երիտասարդներին: Վերման ենթարկեցին պատերամի մասնակից Հայկազ Հարությունյանին, ով  վիրավում էր ստրացել ու վերջերս վիրահատվել,  նաև «Հայաստան» ընտրական դաշինքի անդամ Արգիշտի Գևորգյանին: 

Երիտասարդները փակեցին Նալբանդյան փողոցը: Ոստիկանները սկսեցին քաշքշելով նրանց հեռացնել փողոցի երթևեկելի մասից: