Ձեր վստահելի աղբյուրը

«Կառավարության նիստում հոխարտաց, ասաց հայանպաստ փաստաթուղթ է, բա ինչո՞ւ չի ստորագրել։ Այսինքն, ի՞նչ է, ինքը չի՞ ուզում հայանպաստ փաստաթուղթ ստորագրել։ Բա Ալիևը չէ՞ր ստիպում իրեն ստորագրել այդ փաստաթուղթը, բա ինչո՞ւ է Ալիևը մտել բուն մեր տարածք»,- Սյունիքի մարզում «Պատիվ ունեմ» դաշինքի ակտիվի և տեղի բնակչության հետ հանդիպման ժամանակ հայտարարել է ՀՀ երրորդ նախագահ, ՀՀԿ նախագահ Սերժ Սարգսյանը՝ ասելով. թե տեղյակ եք, թե՞ ինչ փաստաթուղթ է որոշել ստորագրել Փաշինյանը։

Նա նշել է, որ այսօր եղել է Տեղ համայնքում, 350 հեկտար այդ համայնքից հիմա գտնվում է  ադրբեջանցների վերահսկողության տակ։

«Այդ Ալիևն ինչո՞ւ է մտել։ Մտել է, որ իրեն ճնշի, այդ փաստաթուղթը ստորագրի։ Բա հետո ի՞նչ պատահեց, որ հիմա էլ Ալիևը համբերում է ընտրություններն ավարտվի՞։

Բա հայանպա՞ստ էր՝ ստորագրեր։ Բա ինչո՞ւ արտաքին գործերի նախարարան իր տեղակալներով հանդերձ հրաժարական տվեց, ինչո՞ւ այս պահին, երբ որ մենք հսկայական խնդիրներ ունենք նաև միջազգային ասպարեզում։ Մենք չունենք մեկը, որ կարող է ներկայացել ՀՀ ԱԳՆ-ն տարբեր հարթակներում։ Թող ինքն ասի՝ ինչ է խոստացել Ալիևին, որ Ալիևն իր կարծիքը փոխել է։ Ուրեմն ինչ-որ մի բան խոստացել է։

Մարդ պետք է հիմար լինի չէ՞, հայանպաստ փաստաթուղթ չստորագրելու համար։ Եթե հայանպաստ էր, ստորագրեր։ Եթե չի ստորագրել, այդ դեպքում սպասենք նոր սյուրպրիզների։

Բա եթե հայանպաստ էր, ինչո՞ւ էին գաղտնի պահում, ինչո՞ւ միայն հասարակական ճնշումից հետո իրենք ասացին՝ այո, նման փաստաթուղթ գոյություն ունի։ Կարող է ստորագրել է, մենք չգիտենք։ Այդպես էլ է հնարավոր։

Մենք իմացա՞նք, որ նոյեմբերի 9-ին ինքը պետք է կապիտուլյացիա ստորագրի։ Չիմացանք, չէ։ Ու սա առաջին դեպքը չէ։ Մենք 2019 թվականի ապրիլից սկսած հրապարակավ պահանջում էինք հանրությանը տեղյակ պահել, թե բանակցային ինչ փաստաթուղթ են իրենց տվել։ Նրանք հրաժարվում էին, ասում էին՝ չկա, չկա։ Հետո իրենք մոռացան, թե ինչ ստեր են ասել, մեկն ասում էր կար, մեկը՝ չկա, մինչև 2020 թվականի ապրիլ-մայիս, երբ Լավրովն ասաց՝ մեկ տարի է այս փաստաթղթի շուրջ բանակցում ենք։

Բա ինչո՞ւ էին մեզանից գաղտնի բանակցում, որովհետև հիմար էին, իրենց տվել էին փուլային տարբերակ, փոխանակ ասեին՝ սա բանակցելու համար հիմք չէ, ասել են՝ կարելի է սրա շրջանակներում ինչ որ եզրակացության գալ։ Այդպիսի հիմարություններ են անում, հետո էլ ասում են՝ մեզ պարտադրեցին, չգիտեմ՝ էս մի պլանն է, էն մի պլանն է։ Ամեն ինչ մեզնից է կախված, թե խնդրին ոնց պետք է մոտենանք։

Այս մարդիկ խոսելով իրենց թափանցիկության, ժողովրդավարության մասին, ամեն ինչի մասին խոսում են ոնց որ բարձր մակարդակով, բայց իրականության մեջ տգետ են, գաղտնապահ և հայրենադավ։ Սա ակնհայտ է։ Որևէ մեկը, կարծում եմ, այլևս չի կասկածում»,- ասել է ՀՀ երրորդ նախագահ Սերժ Սարգսյանը։