Ձեր վստահելի աղբյուրը

«Ի՞նչ պետք է անենք՝ աշխատանքը բերենք մարդու մոտ, որ այլևս ոչ մեկ աշխարհով մեկ չվազի և աշխատանք փնտրի, փորձելու ենք և, համոզված ենք՝ վերականգնելու ենք այն փառքը, որը ադամանդագործության մեջ դուք ունեիք»,- Նոր Հաճն ավանի բնակիչների հետ հանդիպման ժամանակ հայտնեց «Հայաստան»  դաշինքի առաջնորդ Ռոբերտ Քոչարյանը և հավելեց, որ այն շատ փոքր մասն է, որը դաշինքը պատրաստվում է անել երկրի տնտեսությունը վերականգնելու համար:

ՀՀ երկրերդ նախագահ Ռոբերտ Քոչարյանը հիշեց, որ իր պաշտոնավարման ժամանակ Նոր Հաճն էր գալիս այնտեղ բացված ադամանդների գործարարններ այցելելու համար, որտեղ խոշոր ներդրումային ծրագրեր էր իրականցրել և ցավով նակտեց, որ դաշինքի տեղի ներկայացուցիչներից տեղեկացել է, որ իր պաշտոնավարման տարիներին ստղծված գործարաններն այս պահին 7-10% են աշխատում:

Նա անարդար համարեց ավանում ադամանդագործության  նման վիճակի պատճառով ծանր պայմաններում հայտնված մասնագետների վիճակը, որոնք ստիպված են եղել լքել քաղաքն այլ տեղ իրենց մասնագիտությամբ գործ փնտրելու համար:

«Բոլորը մեր քաղաքացիներն են և նրանց չենք բաժանում սևերի և սպիտակների, բայց կա քաղաքական ուժ, որն ասում է, որ այն իր քաղաքական նպատակն է, նրանց նպատակն է բաժանել, բաժանելով տիրել և, միգուցե, դրանով այլ շահեր հետապնդել»,- հայտարարեց «Հայաստան» դաշինքի առաջնորդը:

Նա շեշտեց, որ մի քանի անգամ ապացուցել է, որ եթե մի բան խոստանում է, ապա անպայման իրագործում է:

«Եթե դուք հունիսի 20-ին ընտրեք 24 համարին, դուք մեզ ստիպելու եք աշխատել 24 ժամ, արդյունք ստանալու համար մենք ստիպված ենք լինելու աշխատեցնել ձեզ և արդյունքում շահելու է մեր երկիրը և այն փոքրիկները, որոնց համար մեր կյանքն իմաստավորվում է»,-հայտարարեց Ռոբերտ Քոչայնաը: