Ձեր վստահելի աղբյուրը

«Ես ինչքան շփվել եմ Արթուր Վանեցյանի հետ, ինքն, իրոք, բարի մարդ է, բայց այս դեպքի հետ կապ չունի, հաստատ: Բարի է, բայց ինքը չէ»,-ասուլիսում ասաց «Պատիվ ունեմ» դաշինքի ներկայացուցիչ Արմեն Աշոտյանը՝ պատասխանելով հարցին, որ ՀՀ երրորդ նախագահ Սերժ Սարգսյանը հրապարակելով ձայնագրությունն  ասել էր՝ բարի մարդ է փոխանցել իրեն, այդ բարի մարդը կարո՞ղ է ԱԱԾ նախկին տնօրեն Արթուր Վանեցյանն է, ով  Նիկոլ Փաշինյանի հետ է աշխատել:

Նա նշեց, որ կան մարդիկ, ովքեր այդ ձայնագրությունը չեն հասկացել, իսկ նիկոլական պրոպագանդան փորձում է դա ֆռացնել իբր ընդդիմադիր դաշտում ճեղքում առաջացնելու համար:

«Կոպիտ ասած՝ մեզ ուզում էին կռվացնել 1-2 իրական ընդդիմադիր այլ ուժերի հետ: Հասկացան, որ սա նիկոլական մանիպուլյատիվ թեզ է:

Այնտեղ ի՞նչն էր Նիկոլի փիառը, որ ինքը մեր երեխաների գլուխը կերե՞լ է, որ պատերազմ է բերե՞լ Հայաստան, լուծում կար, որ Արցախն Ադրբեջանի մեջ չի լինելու, իսկ ինքը նենց արեց, որ  ոչ միայն ազատագրված տարածքները, Արցախից էլ երկու շրջան, վրան էլ Դադիվանանք, Շուշի ու Հադրութ գնացել է Ադրբեջան:  Դա հայանպա՞ստն է:

Այդ մարդկանց զգալի մասը պատերազմ, ցավ չի տեսել: Ես տեսել եմ…

Մի խոսքով, գլուխները պատով են տվել այն մարդիկ, ովքեր ասում են Նիկոլը Սերժի մարդն է ու մենք Արցախը չէինք կարողանում ծախել, բերեցինք Նիկոլին, որ ծախի»,- ասաց Արմեն Աշոտյանը: