Լրատվական դաշտում այսօր գործում են մարդիկ, որոնք ավելի շատ քիլլերի են նման, քան լրագրողի. Փաշինյան

Քաղաքական 12:10 11/06/2021 Հայաստան

Լրատվական դաշտում այսօր գործում են մարդիկ, որոնք ավելի շատ քիլլերի են նման, քան լրագրողի. Փաշինյան

«Այսօր Հայաստանի լրատվական դաշտը վերածվել է իսկական աղբանոցի»,- Դիլիջանում քարոզարշավի ժամանակ ասաց «Քաղաքացիական պայմանագիր» կուսակցության առաջնորդ, վարչապետի թեկնածու Նիկոլ Փաշինյանը:

Նա նշեց, որ իրենք պետք է նաև լրագրողական հանրությանը քաջալերեն, նաև օրենքով որոշակի մեխանիզմներ ստեղծեն, որպեսզի ստեղծվեն էթիկայի կանոններ հենց լրագրողական համքարության կողմից, ստեղծվեն էթիկայի կանոնների պահպանման որոշակի մեխանիզմներ, կանոնները խախտելու համար՝ որոշակի սահմանափակումներ։

«Ինչու պիտի պետական պաշտոնյան ունենա էթիկայի կանոններ, այո և պետք է ունենա, պետք է խոստացվեն այդ կանոնները, նույնը պետք է տեղի ունենա նաև լրատվական դաշտի հետ, որովհետև լրատվական դաշտում այսօր գործում են մարդիկ, որոնք ավելի շատ քիլլերի են նման, քան լրագրողի»,- ասաց Ն. Փաշինյանը։

Նա նշեց նաև, որ ԵՊՀ Իրավաբանության ֆակուլտետում կլոնացված իրավաբանական մի համակարգ է ձևավորվել, որի 60 տոկոսը պարզապես ատում է սեփական ժողովրդին։

«Ամենևին պատահական չէ, որ նոյեմբեր-դեկտեմբեր-հունվար ամիսներին այդ մարդիկ ուզում էին Հայաստանում հեղափոխություն անել, վեր էին կենում հարթակից ժողովրդին անվանում «ժեխ», «բոմժ», վիրավորելու համար ասում են «Եհովայի վկա», «զոմբի»։ Այս պատմությունը պատերազմի հետ կապ չունի։ Չե՞ք նկատում՝ արդեն մոռացել են։ Նրանք չեն հասկանում՝ ո՞նց կարող է երկրում ժողովուրդը որոշիչ լինել, իրենք «էլիտայով» պետք է որոշեն»,- ասաց Փաշինյանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: