Ձեր վստահելի աղբյուրը

Խաղաղապահ զորախմբի զինծառայողները հրավիրվել են Արցախի Հանրապետության Ասկերան քաղաքի միջնակարգ դպրոց ռուսաց լեզվի բաց դասերին մասնակցելու համար: Այդ մասին հաղորդագրություն է տարածել ՌԴ ՊՆ-ն:

Ըստ Ռուսաստանի պաշտպանության գերատեսչության՝ դասընթացների ժամանակ աշակերտները հյուրերի համար կարդացել են ռուս բանաստեղծների և գրողների ստեղծագործությունները: Իրենց հերթին խաղաղապահները պատմել են ռուսաց լեզվի և գրականության ծագման պատմության մասին:

Բացի այդ, ռուս զինծառայողները բացատրել են «խաղաղպահ» և «խաղաղություն» բառերի իմաստը: Նրանք երեխաներին ներկայացրել են նաև Արցախում խաղաղապահների կողմից իրականացվող խնդիրների մասին:

«Մեր դպրոցում աշակերտները ռուսերեն են սովորում 2-ից 12-րդ դասարաններում, նրանցից շատերն այն ընտրում են որպես ավարտական քննության առարկա: Ռուսաստանի զինվորի գալուստով երեխաները սկսեցին ավելի մեծ հետաքրքրություն ցուցաբերել լեզվի յուրացման վրա»,-ասել է ռուսաց լեզվի և գրականության ուսուցչուհի Լիանա Կարապետյանը:

«Բաց դասի ավարտին զինծառայողները երեխաներին տեղեկացրեցին առաջիկա տոներից առաջ իրենց առօրյան անվտանգ անցկացնելու պահանջների, ինչպես նաև առաջին բուժօգնության ցուցաբերման մեթոդների մասին:

Արցախի տարածքում խաղաղապահ առաջադրանքների կատարման ընթացքում Ռուսաստանի զինվորական անձնակազմը 50-ից ավելի անգամ այցելել է աշակերտներին`պատմության, հայրենասիրության և թեմատիկ ստեղծագործական հանդիպումների ինտերակտիվ դասեր անցկացնելու համար:

Ընդհանուր առմամբ, այս միջոցառումներին մասնակցել են ավելի քան 4600 դպրոցական և ուսանող»,- ասվում է հաղորդագրության մեջ: