Ձեր վստահելի աղբյուրը

Ստեփանավան քաղաքի մշակույթի պալատում  քաղաքացիների հետ հանդիպմանը «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը նախ հետաքրքրվեց, թե վերջին անգամ երբ է  ասֆալt  արվել քաղաքում։ Պատասխանից հետո՝ Ռ. Քոչարյանն արձագանքեց. «2003 թվականի ասֆալտն է, հիմա ասֆալտից են բոլորը խոսում։ Այն ժամանակ ամբողջ երկիրը ասֆալտով փակել էինք։ Իրականում իմ գալն այստեղ ոնց որ ժամանակը սառեցնես, ժամանակի մեքեայնով մի 15 տարի հետ ենք տվել և  տպավարությունս սա է՝ բան չի փոխվել։

Սրա հետ զուգահեռ ինձ ասում են, որ Ստեփանավանում գործող իշխանությունը հեղինակություն ունի, կողմնակիցներ շատ ունի։

Ո՞նց է կարելի երեք տարի մի տեղ ոչինչ չանել և շարունակել վայելել  ժողովրդի աջակցությունը։ Ինձ այս գաղտնիքը կարո՞ղ եք ասել՝ ո՞նց է ստացվում, որտեղի՞ց է գալիս»։

ՀՀ երկրորդ նախագահն ասաց, որ ժամանակին այստեղ բավականին աշխատանք կատարել են. «Ես չեմ պատկերացնում, թե ոնց է կարելի գնալ մի տեղ, խոսել ընտրությունների, ձայների մասին, մարդկանց վստահության քվեն ստանալու մասին՝ ոչինչ չարած։  Ոնց որ լկտիության նման մի բան է էլի՝ ոչինչ չես անում, բայց գնում ես, ասում՝ ժողովուրդ ջան  ինձ պարտք եք, որովհետև ես եմ։ Ինչի՞ համար, մեզանից ավելի բոյո՞վ եք, ձեր աչքերն ավելի սիրո՞ւն է։

Մենք եթե մի բան ասում ենք՝ անելու ենք, ապացուցել ենք, որ խոսքի տեր ենք»։

Ռոբերտ  Քոչարյանը, ներկայացնելով իրենց անելիքներն ասաց, որ հիմա խոսքն այն մասին է՝ ընտրում ենք անվտանգ երկիր ունենալո՞ւ, թե՞ ծնկածոչ ապրելու մեջ, քվեարկելո՞ւ ենք թռիչքաձև տնտեսական աճ ունենալու համար, թե՞ թռիչքաձև անկումը շարունակելու համար։

«Ինչո՞ւ եմ համոզված ծնկաչոք, քանի որ այս իշխանությունն այս վիճակում բանակի ծախսերը կրճատում է, այլ ոչ թե ավելացնում։ Բանակ չունեցող երկիրը չի կարող հարևաններից մշտական վախի մեջ չապրել, սենց է լինելու։

Հայաստանը չի կարող թռիչքաձև աճ ունենալ առանց մեծածավալ ներդրումների։ Իսկ ո՞վ է ներդրումներ անում այնտեղ, որտեղ բոլորն իրար ատում են: Փողն ամենից զգույշ «կենդանին» է: Որտեղ լարվածություն կա, որտեղ կանխատեսելիություն չկա, որտեղ անհասկանալի վիճակ է, այդտեղից փախնում է: Այս երկրում օրական մի բան են փոխում՝ այսօր մի բան են ասում, օրվա կեսին մեկ այլ բան են ասում, երեկոյան՝ մի ուրիշ բան: Ժողովրդին խառնեցին իրար, հիմա էլ եկեղեցուն հանգիստ չեն տալիս: Լավ, գոնե եկեղեցուն հանգիստ թողեք։

Այս վիճակն է, մենք գալիս ենք այս վիճակը փոխելու համար։

Ի վիճակի ենք փոխել։ Մենք մեկ անգամ արել ենք, ապացուցել ենք», - նշեց ՀՀ երկրորդ նախագահը։ 

Ռոբերտ Քոչարյանն ընդգծեց՝ մեր նպատակն է հանգստության բերել մեր ժողովրդին։

ՀՀ երկրորդ նախագահի ելույթից հետո ներկաները հարցեր ուղղեցին «Հայաստան» դաշինքի անդամներին։

Քաղաքացիներից մեկն ասաց, որ 4 երեխա ունի և Ռոբերտ Քոչարյանին խնդրեց լինել իր երեխաների քավորը։

«Խոսելու վրա է»,- ծիծաղելով արձագանքեց Ռ. Քոչարյանը։