Ձեր վստահելի աղբյուրը

«Նիկոլն ու իր ուսապարկերը վերարտադրվելու որևէ հնարավորություն չունեն։ Իրենց էջը փակվելու է հունիսի 20-ին»,- Վանաձորում բնակիչների հետ հանդիպմանն ասաց «Հայաստան» դաշինքի առաջնորդներից Սյունիքի նախկին մարզպետ Վահե Հակոբյանը։

Նա նշեց, որ թեև վերնաշապիկների վրա գրել են ապագա կա, բայց խոսում են անցյալից, բայց ոչ թե իրենց անցյալից, այլ մեր։

«Այ պարոն, դու մի հատ քո անցյալից խոսի։ Ի՞նչ պետք է խոսի, ինչի՞ց խոսի, որ պառակտեց ազգը, կիսե՞ց սև ու սպիտակների, որ կորոնավիրուսն ուզում էր պինցետով ու թթի արաղով բուժե՞ր։ Տապալեց կովիդի դեմ պայքարը, հրահրեց պատերազմ, ունեցանք  5000-ից ավելի զոհեր, կորցրեցինք Արցախի մեծ մասը, հիմա վտանգված է Սյունիքը, Գեղարքունիքը, թուրքը հիմա մեր հողի վրա է կանգնած, դրանից պետք է խոսի՞։

Առանց Արցախ մենք վիրավոր ենք, առանց Սյունիք՝ մահացած»,- ասաց Վահե Հակոբանը։

Նրա խոսքով, ազգը հոգնել է  ստից, սպառնալիքներից։

«Մենք գալիս ենք ազգին բերելու համերաշխություն։

Հունիսի 20-ին մի մարդու պես գնում ենք ընտրության, Նիկոլի ականջից բռնում ենք ու վռնդում մեր իրականությունից»,- նշեց «Հայաստան» դաշինքի առաջնորդներից Վահե Հակոբյանը։