Ձեր վստահելի աղբյուրը

«Երբ ես նախագահ դարձա, սպայի աշխատավարձը 65 հազար էր։ Երբ հեռացա պաշտոնից, աշխատավարձը կազմում էր 400 հազար դրամ, դոլարի կուրսը կազմում էր 310-320»,- Ստեփանավանի բնակիչների հետ հանդիպման ժամանակ Այս մասին ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը՝ պատասխանելով սպաներին բնակարանով ապահովելու վերաբերյալ հարցին։ 

Նա նաև հիշեցրեց, որ  բնակարաններ են տրամադրել սպայական կազմին, իսկ թե հիմա ինչու է կանգնել այս պրոցեսը, տեղյակ չէ։

«Չեմ կարծում, թե սպան  ի վիճակի է հիփոթեքայով այդ հարցը կարգավորել, այստեղ պետության ֆունկցիան է։ Եթե մարդը ծառայել է, պետք է բնակարան ստանա  ծառայությունից հետո։ Սա կդարձնենք օրենքի պահանջ, եթե այդ խնդիրը հիմա կա։

Ես գիտեմ, որ քննարկվել է  սերտիֆիկատների ծրագիր։ Բայց հանդիպումներից մեկի ժամանակ ինձ ասացին, որ գումարները քիչ է, չեն կարողանում բնակարան գնել։ Այսինքն՝ պետք է բարձրացնել սերտիֆիկատի գումարը, որպեսզի մարդը ի վիճակի լինի գնել բնակարան։ Մենք նման խոստում տվել ենք և անելու ենք՝ անկասկած։

Վստահ եղեք, լուծելու ենք հարցը»,- ասաց Ռոբերտ Քոչարյանը։