Ձեր վստահելի աղբյուրը

ԱԺ պատգամավոր Նաիրա Զոհրաբյանը, անդրադառնալով երեկ Փաշինյանի ու Ալիևի միջև տեղի ունեցած գործարքին, գրում է.

«Բաքվին  են հանձնվել Ակնայի (Աղդամ)  ականապատման քարտեզները, որտեղ նշված են Աղդամի շրջանում տեղադրված 97 հազար  ականներ։ Ադրբեջանը քարտեզների ձեռք բերումը արդեն համարել է լուրջ հաղթանակ։

Ըստ ռազմական փորձագետների՝ մեկ ականի հայտնաբերման և վնասազերծման համար ծախսվում է  մոտ 1000 եվրո, իսկ հայկական կողմը Ադրբեջանին է  հանձնել  քարտեզ, որտեղ 97 հազար ականի տեղորոշում կա։

Ի դեպ, առանց Հայաստանի իշխանության փոխանցած քարտեզների, Ադրբեջանը դեռ երկար տարիներ չէր կարողանալու Աղդամում մարդ բնակեցնել:

Իսկ Ալիևը որոշել է հունիսի 12-ը՝ ականապատման քարտեզների հանձնման օրը, հռչակել Աղդամի ազատագրման օր։
Եթե քարտեզները պիտի տրվեին, ապա բոլոր մեր ռազմագերիների դիմաց և շատ ավելի վաղ, այլ ոչ թե նախընտրական պիկին, ինչը, ի դեպ, շատերս էինք կանխատեսել»։