Ձեր վստահելի աղբյուրը

«Քարոզարշավի այս օրը, երբ կապիտուլյանտը տարբեր կապիկություններ անելով քարոզչական շքախմբերով, ծափ տվողներով ժամանել է  Սյունիքի մարզ, նույն պահին արևելքից դեպի մեր պատմական Շուշի իրենց «հաղթարշավն» են իրականացնում կապիտուլյանտի բարեկամները Էրդողանի ու Ալիևի տեսքով»,-  ասուլիսում ասաց «Պատիվ ունեմ» դաշինքի ներկայացուցիչ Արտակ Զաքարյանը։

Նա նշեց, որ այսօր նրանք  Շուշիում գրանցելու են իրենց հաղթանակը, որը մեր կապիտուլյացիայի արդյունքում է արձանագրվել։

Ա. Զաքարյանի խոսքով, քաղաքական դաշտը գնում է  ընտրութան, քաղաքական դաշտը շարունակում է  պայքարել կապիտուլյանտի դեմ մեկ նպատակով՝  փրկել երկրին ու դուրս բերել Հայաստանն այս ճահճից, որի  մեջ աստիճանաբար բոլորը խեդվում են։

«Այս ճահիճը դարձել է Հայաստանի ճահիճ՝  ներքին, արտաքին քաղաքական, անվտանգային իմաստով։

Ճահիճից դուրս գալու մի շարք ելքեր կան, կան քաղաքական ուժեր, որոնք մատնանշում են դրա անհրաժեշտությունը, դրանով պայմանավորած  կառուցում են իրենց քարոզչությունը»,- ասաց Ա. Զաքարյանը։

Նա նշեց, որ հայ հասարակությունն ունի ընտրության լայն հնարավորություն քանակական իմաստով, բայց որակական իմաստով ընտրության մեծ հնարավորություն չունի։

«Կարծում եմ՝ մեր գիտակից հասարկությունն առաջիկա արտահերթ ընտրություններում իր ձայնը տալու բոլոր այն պատասխանատու  քաղաքական ուժերին, ովքեր սրտացավ են այս պետության համար, ովքեր գիտեն անվտանգության, խաղաղ ապրելու, արժանապատիվ խաղաղություն ունենալու, այս ողբերգությունից պատվով դուրս գալու  ելքեր, մեր հասարակության համար քայլ առ քայլ ապահովելու կայուն, արժանապատիվ և զարգացող ապագա»,- ասաց «Պատիվ ունեմ» դաշինքի ներկայացուցիչը։

Նա ընդգծեց՝ Արցախն ու Հայաստանն ունեն վերածնվելու կարիք. «Մեզ նորից անհրաժեշտ է  վերածնունդ։ Վստահ եմ,  որ այդ վերածնունդը լինելու է»։

Նա ասաց, որ 44-օրյա պատերազմը չպետք է լիներ, չէր էլ կարող լինել, եթե Հայաստանի ղեկը  2018 թվականին  իշխանազավթության միջոցով չհայտնվեր ապաշնորհ, դավաճանական կեցվածքով, անսկզբունք, ստախոս, սեփական պետության շահերն անտեսող, անհայտ պետությունների շահերով առաջնորդվող ոմն մեկ կողմից։ 

Նա նշեց, որ «Պատիվ ունեմ» դաշինքը միշտ բաց է պահելու Արցախի խնդիրը, Արցախի կարգավիճակի հարցը ՀՀ անվտանգության կարևորագույն էլեմենտներից մեկն է, դրան անպայման հասնելու են։

Արտակ Զաքարյանի խոսքով, «Պատիվ ունեմ»  դաշինք ունի նաև միջազգային լայն աջակցություն, ինչը խոսում է  այն մասին, որ իրենք նաև արտաքին քաղաքականության ակտիվացման երկկողմ ու բազմակողմ  համագործակցության տարբեր գործիքակազմով արագ կարողանալու են ոտքի կանգնեցել ՀՀ արտաքին գործընկերությունը, վստահություն ձեռք բերել, պատվով ու աժանապատիվ համագործակցություն սահմանել, դրանով իսկ,  ինչպես անվտանգության, այնպես էլ տնտեսական, քաղաքական, մշակութային զարգացման համար արագ, մեծ տեմպերով հիմքեր դնել։