Ձեր վստահելի աղբյուրը

«Չագուճը ձեռքին մի գիժ վազում է մեր երկրի տարբեր քաղաքներով ու գյուղերով, սպառնում է  բոլորին փռել ասֆալտին, ծեփել պատերին։ Կապիտուլյանտի թե քաղաքական, թե իրավական ապագան բոլորից պարզ է»,- Արարատի մազում քաղաքացիների հետ հանդիպմանը հայտարարեց «Պատիվ ունեմ» դաշինքի առաջնորդ Արթուր Վանեցյանը։

Նրա խոսքով, մեր ազգին արժանապատվությունից, հաղթանակից զրկած «սրիկան» իր ողջ կյանքն անցկացնելու է բանտում։

«Դա կասկածից վեր է, բայց ես կուզեմ խոսել այս պահին նրա բարոյական նկարագրի մասին։ Մեկը, ով վերջին երեք տարիների ընթացքում հատել է բոլոր կարմիր գծերը, մտել է մարդկանց ընտանիքներ, չի խորշել անգամ մտնել եկեղեցի, փորձել է խարխլել, քայքայել։ Այդ մարդը ներում չունի»,- ասաց Վանեցյանը։

«Հայրենիք» կուսակցության նախագահի խոսքով, խոստացել է, որ հաղթանակից հետո Փաշինյանին ծնկի է բերելու։

«Ծնկի ենք բերելու մեր եկեղեցու և ժողովրդի առջև, որպեսզի այլևս երբեք որևէ մեկի մտքով չանցնի պատահաբար իշխանությունը զավթելուց հետո հնարավոր է մեր երկիրը բերել այս վիճակին։ Հունիսի 20-ից հետո մենք իրապես ունենալու ենք նոր որակի, ազգային ու պետական մտածողությամբ կառավարություն, որն ապահովելու է բարեկեցիկ ու անվտանգ կյանք»,- ասաց «Պատիվ ունեմ»-ի թեկնածուն։