Ձեր վստահելի աղբյուրը

Ադրբեջանի նախագահ Իլհամ Ալիևը չափազանց կարևոր է համարել Հայաստանից Արցախում ականների տեղադրման քարտեզների ստացումը, առանց որի տարածաշրջանի ականազերծման գործընթացը կարող է տևել 10 տարի: Այս մասին գրում է Interfax.az-ը։

«Եթե մենք ականազերծված բոլոր տարածքների քարտեզները ստանանք, դա մեզ մեծ առավելություն կտա, քանի որ հակառակ դեպքում այս աշխատանքը կտևի, գուցե 10 տարի: Քանի որ ամեն ինչ ականապատված է», - ասել է Ալիևը Թուրքիայի նախագահ Ռեջեփ Թայիփ Էրդողանին:

Ադրբեջանի նախագահը նշել է, որ ներկայումս Ղարաբաղում ականազերծման ժամանակ օգտագործվում է 10 միավոր թուրքական MEMAT հակաականային սարքավորում:

Ալիևն անդրադարձել է հունիսի 12-ին 15 հայերի գերիների փոխանակումը Աղդամի շրջանի ականապատ դաշտերի քարտեզի հետ:

«Ամերիկյան կողմը հանդես էր գալիս որպես երաշխավոր (քարտերի վավերականության-խմբ․), և որ ականների տեղերը ճիշտ են նշված: Հայաստանը մեզ տվել է Աղդամի շրջանի 97 հազար ականների քարտեզ, որից 54 հազարը հակատանկային է, մնացածը ՝ հակահետևակային ականներ», - ասել է Ալիևը:

Ալիևը հավելել է, որ պատերազմի ավարտից հետո ականի պայթյունի արդյունքում զոհվել և վիրավորվել է 144 ադրբեջանցի զինվորական և քաղաքացիական անձ։