Ձեր վստահելի աղբյուրը

«Համձայն չեմ այն կարծիքի հետ, որ մեզանից պետք է վախենան, մեզ պետք է հարգեն, վախենալը միջազգային հարաբերություններում այնքան էլ լավ կատեգորիա չէ, իսկ հարգանքը լինում է, եթե պետությունն արդյունավետ է կառավարվում,  համաչափ է զարգանում, եթե ներսում աղքատությունը քիչ է, կամ չկա ընդհանրապես»,-Աշոցքում հայտարարեց «Հայաստան» դաշինքի առաջնորդ, ՀՀ երկրորդ  նախագահ Ռոբերտ Քոչարյանը:

Նա  կարևորեց տարածքային համաչափ զարգացումը, որը դաշինքի ծրագրային դրույթն է և նշեց, որ դրա համար պետք է բարելավվի կյանքի որակը, արժանապատիվ աշխատանքը, կենցաղային պայմանները, աշխատավարձերը բարձրացվեն և հայտարարեց, որ պետությունը պարտավոր է ապահովել այդ ամենը:

Ռոբերտ Քոչարյանը հայտնեց, որ ապագայում պետք է հասնել նրան, որ հեռավոր շրջաններում կյանքի պայմանները չտարբերվեն մայրաքաղաքին մոտ գտնվող բնակավայրերում ապրողների կյանքի պայմաններից, իսկ մինչ այդ պետք է լուծվի ապրելակերպի տարրական պայմանները:

«Հայաստան» դաշինքի առաջնորդը վստահություն հայտնեց, որ հունիսիս 20-ից հետո երկրում իշխանություն են ստաձնելու և շեշտեց, որ մարդկանց հոգսերի՝ պետության իրավասություններին վերաբերող մասը վերցնելու են իրենց վրա:

Նկատելով որ ներկայիս իշխանությունների էջն արդեն փակված է՝  Ռոբերտ Քոչարյանը  դիմեց  ժողվրդին՝ հայցելով նրանց աջակցությունը, որպեսզի նոր էջը բացելու հնարավորություն ունենա հենց  «Հայաստան» դաշինքը:

«Մենք ակնկալում ենք ձեր վստահությունը և անելու ենք ամեն ինչ, ձեզ հուսախաբ չանելուհամար» հայտնեց ՀՀ երկրորդ նախագահը և խոստացավ իշխանությունը ստանձնելուց հետո շատ արագ վերականգնել հարգանքը երկրի նկատմամաբ, բանակը, տնտեսական վիճակը հանել ճգնաժամից և ապահովել երկնիշ թռիչքային աճ: