Այս ընտությունը նշակակվել է, որպեսզի մենք լուծում գտնենք, այլապես ավելի վատ է լինելու. Մարուքյան

Քաղաքական 12:22 16/06/2021 Հայաստան

Այս ընտությունը նշակակվել է, որպեսզի մենք լուծում գտնենք, այլապես ավելի վատ է լինելու. Մարուքյան

«Մեր ուղերձները տեղ են հասել, ի զարմանս մեզ ավելի շատ ազդեցություն են ունեցել, քան մենք կարծում էինք ունենալու է»,- քարոզարշավի ընթացքում լրագրողների հետ ճեպազրույցում ասաց «Լուսավոր Հայաստան» կուսակցության առաջորդ, կուսակցության ընտրական ցուցակը գլխավորող Էդմոն Մարուքյանը:

Նրա խոսքով, բավականին ակտիվ քարոզարաշավ են վարել, այս երեք օրն ավելի են ակտիվանալու:

«Երեկ երեկոյան ստացել եմ մեր ուսումնասիրությունների տվյալներ: Ուսումնասիրություններն իրականացվել են խոշոր քաղաքներում ոչ թե հեռախոսազանգերով, այլ կոնկրետ շփումներով: Այս պահին «Լուսավոր Հայաստանը» գտնվում է երրորդ տեղում, որևէ տոկոս չեմ ասելու, ընտրութունների օրը կտեսնեք այն, ինչ ասում եմ, այդպես էլ կա»,- ասաց Էդմոն Մարուքյանը:

Նա նշեց, որ «Լուսավոր Հայաստանը» բացառիկ դերակատար է լինելու՝ երկրում կանխելու սպասվող և ժողովրդին տրամադրող բախումները, դրան գումարած նաև ազգային համերաշխության և միասնության կառավարության ձևավորելու գործում:

«Մենք ասում ենք, ժողովուրդ ջան, այսօր մեր թշնամին Սյունիքի, Գեղարքունիքի մարզերի սահմանները հատած ադրբեջանական զորքն է: Մենք ներսում թշնամիներ չպետք է փնտրենք, մենք պետք է գնանք իրար ներելու, իրար համախմբելու ճանապարհով, որովհետև դրան այս պայմաններում այլընտրանք չկա»,- ասաց Էդմոն Մարուքյանը:

Նա ընդգծեց՝ այս ընտությունները նշակակվել է, որպեսզի մենք լուծում գտնենք, եթե չգտնենք լուծումը հունիսի 20-ին, ուրեմն ավելի վատ է լինելու:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: