Ձեր վստահելի աղբյուրը

«ՀԱԿ-ի ընտրացուցակով այս պահին ներկայանալը նշանակում է ներկայացնել տարիներ շարունակ ապօրինությունների դեմ պայքարող, տարատեսակ ճնշումներից չվախեցող և միշտ ճշմարտությանը սթափ հասարակությանն ասող մարդկանց լայն մի խումբ»,- երիտասարդների հետ հանդիպմանն ասաց Հայ ազգային կոնգրեսի ընտրական ցուցակից Աննա Գևորգյանը:

Նա նշեց, որ հատկապես այսօր, երբ ճգնաժամային իրավիճակից ելքեր գտնելու գուցե վերջին պատեհությունն է, պետք է կարողանալ  հնարավորինս շատ մարդկանց հասցնել այն ուղերձը, որ ստացած հետևանքները կոնկրետ պատճառներ ունեն:

ՀԱԿ ցուցակում ընդգրկված ճարտարապետ, Ճարտարապետաշինարարական համալսարանի քաղաքաշինության ամիբոինի վարիչ Զառա Մամյանն ասաց, որ երբևէ քաղաքականության մեջ չի եղել, երևի իրավիճակն է  ստիպել իրեն միանալ այս թիմին, քանի որ իրեն շատ մտահոգում է երկրի վիճակը:

«Աշխատում եմ  երիտասարդների հետ, տեսնում եմ երիտասարդների արեժքային համակարգը, որի մեջ իրենք ապրում եմ:

Կարծում եմ՝ որպեսզի մենք վերադառնանք իրական արժեքներին, երկիրը պետք է ղեկավարի մի ուժ, որը տեղյակ է իրական արժեքներից, որը հաղթել է, որտեղ կան մտավորականներ, ազնիվ մտավորականներ»,- նշեց նա:

ՀԱԿ վարչության անդամ Տաթև Զորյանն ասաց, որ հասել են չարաբաստիկ հանգրվանի, առավել քան երբևէ իրենց ներկայությունը քաղաքական դաշտում անհրաժեշտ էր և ամենակարևորը:

«Հետպատերազմական իրավիճակում ՀԱԿ-ի նման գաղափարական ուժի ներկայությունը ըստ էության չպետք է ունենա այլընտրանք:

Մենք այն քաղաքական ուժն ենք, որի գաղափարները, արժեքները,  արժեքային հիմքն ուղղակի անհրաժեշտ է պետության և հասարակության քաղաքական և հոգեբանական վերակենդանացման, բանականության և իրատեսության հաղթանակի տեսանկյունից»,- նշեց նա: