Ձեր վստահելի աղբյուրը

«Հայ հանրությանը պատերազմից հետո ամենահուժկու ապտակը տեղի ունեցավ երեկ, երբ Շուշիում կայացավ Ալիև-Էրդողան հանդիպումը և ստորագրվեց Շուշիի հռչակագիրը»,- ասուլիսում ասաց «Պատիվ ունեմ» դաշինքի ներկայացուցիչ, «Հայրենիք» կուսակցության մամուլի խոսնակ Սոս Հակոբյանը։

Նրա խոսքով, ըստ ներկայացվածի այն բազմաբովանդակ փաստաթուղթ է,  իր մեջ պարունակում է նաև ռազմաքաղաքական համագործակցություն Թուրքիայի և Ադրբեջանի միջև։

«Մեր համար երևի թե ամենացավոտն ու ամենակարևորը Զանգեզուրի միջանցքի հիշատակումն էր, կողմերը ասացին, որ այլ քայլերի շրջանակներում պետք է վերջիվերջո գործարկվի Զանգեզուրի միջանցքը։ Սա բոլորս պետք է հիշենք կապիտուլյանտին հեռացնելուն զուգահեռ, որովհետև երեք եղբայրներից երկուսը հանդիպեցին Շուշիում այն ժամանակ, երբ մեկը թափառաշրջիկի նման իր գունավոր մուրճով շրջում էր Սյունիքում:

Նրա այցը կապ չուներ նախընտրական քարոզքարշավի հետ, ավելի շատ ֆլեշ մոբ էր Հայաստանում ներքին տուրիզմը զարգացնելու առումով, քանի որ Հայաստանի բոլոր ծայրերից մեքենաներով մարդկանց Սյունիք էին տանում սելֆի, լուսանկարներ անելու համար, հավանաբար ավելի շատ իր անձնական անվտանգությունից վախենալով ու անունը դնում է հանդիպում ընտրողների հետ»,- ասաց Սոս Հակոբյանը: