Ձեր վստահելի աղբյուրը

«Գյումրի մենք ձեզի շատ գը սիրենք, բայց դուք մեզ սիրեք գը՞»,- գյումրվա բարբառով հանրահավաքի ընթացքում հավաքվածներին ողջունեց դաշինքի անդամ, «Վերածնվող Հայաստան» կուսակցության նախագահ Վահե Հակոբյանը։

« 4 օր  է մնացել  այս չարիքի ավարտին, որը  3 տարի «խմեց» մեր ազգի արյունը։  Այսօր այդ չարիքի առաջնորդը, մուրճը ձեռքին, ադեկվատությունը լրիվ կորցրած, խոսում է աստղերի մասին կամ դողալուց։ Եվ  ո՞վ է խոսում դողալուց, մարդ, որը  շրջում է 2000 ոստիկաններով, որը նոյեմբերի 9-ին այնպես էր թաքնվել, որ ազգովի 2 օր չէին կարողանում գտնել, թե ուր է։ Գորիսում բայրաքթարի  ձայնը լսելով, այնպես կայծակնային արագությամբ փախավ, որ թիկնազորը հետևից չէր հասցնում։ Ասում էին՝ «ընկեր դա բայրաքթարը չէր, մերն էր», ասել էր՝ ոչինչ, թող թռնի, հետո դուրս կգամ։ Եվ այդ մարդը կոչեր է անում բռնության»,-ասաց նա ու ցիտեց․

«Նիկոլ, քո գոյությունը վիրավորում է մեր ամբողջ ազգի բանականությունը»։

Վահե Հակոբյանը նաև ներկայացրեց դաշինքի ծրագրերը։