Ձեր վստահելի աղբյուրը

Թբիլիսիի ինֆեկցիոն հիվանդանոցի տնօրեն Թենգիզ Ցերցվաձեի խոսքով, Վրաստանում չորրորդ ալիք կլինի, թե ոչ, կախված է նրանից, կենթարկվի արդյո՞ք բնակչությունը կանոնակարգերին: Այս մասին գրում է վրացական Առաջին ալիքը։

Նրա խոսքով, «հնդկական շտամի» տարածումը կարող է նպաստել չորրորդ ալիքի արագացմանը:

«Ասում են, որ չորրորդ ալիքը օգոստոսի վերջին է, սեպտեմբերի սկզբին: Վրաստանն այժմ այն երկիրն է, որտեղ գործնականում վերացվել են բոլոր կանոնակարգերն ու սահմանափակումները, բացառությամբ կարճ պարետային ժամի, մինչդեռ շատ երկրներում դեռ բազմաթիվ սահմանափակումներ են գործում, բայց դրանք կամաց-կամաց մեղմվում են: Վրաստանն այս հարցում նույնպես առաջադատար է, առաջինը Վրաստանը սկսեց մեղմել: Այո, խնդրեմ, չեղարկենք բոլոր սահմանափակումները, մարդիկ անհանգստացած են, տնտեսությունը պետք է բացվի, վերադառնանք բնականոն կյանքի, դա անհրաժեշտ է, բայց ամեն ինչ պետք է արվի չափի մեջ: Կլինիկական հատվածը լիովին պատրաստ է կառավարել առանձին դեպքերը, որոնք կլինեն այս սահմանափակումը չեղարկելուց հետո, որպեսզի մահացությունը հասցվի նվազագույնի: Հիվանդների ընդունումը իրականացվում է ժամ առ ժամ, առանց խափանումների և խոչընդոտների, բայց Վրաստանում չորրորդ ալիք կլինի, թե ոչ, կախված է նրանից, կենթարկվի արդյոք բնակչությունը կանոնակարգերին: Շնչադիմակներ, շնչադիմակներ, շնչադիմակներ: Եթե «հնդկական շտամը» տարածվի, դա կարող է նպաստել չորրորդ ալիքի արագացմանը», – ասել է Ցերցվաձեն:

Նրա խոսքով, հնդկական շտամի դեպքում դեռ հայտնի չէ, մինչդեռ բրիտանական շտամը հիվանդության ծանր ընթացք է ունենում ցանկացած տարիքի մարդկանց շրջանում:

Նշենք, որ նախօրեին հայտարարվել էր, որ Վրաստանում հայտնաբերվել է հնդկական շտամի 18 դեպք։