Ձեր վստահելի աղբյուրը

«Ուսապարկերի խորհրդարանը Հայաստանի պատմության վատագույն խորհրդարաններից մեկն է»,- Շիրակի մարզում քաղաքացիների հետ հանդիպմանը հայտարարել է «Պատիվ ունեմ» դաշինքի վարչապետի թեկնածու Արթուր Վանեցյանը։

Նրա խոսքով, ուսապարկերի ժամանակաշրջանն արդեն պատմություն է։

«Նրանք այլևս չկան, բայց նրանց մասին մենք պետք է խոսենք, բարձրաձայնենք, որ մեր քաղաքացիներն ու մենք բոլորս կարողանանք դասեր քաղել այն ամենից, ինչ եղավ մեր երկրի հետ։ Ընտրության գնալիս խնդրում եմ, մտածեք, թե ում եք ձայն տալիս։ Ձայն տվեք թիմին, այլ ոչ թե անհատի հաշվին խորհրդարան եկած ուսապարկերին։ Այդ պարագայում մենք ունենալու ենք երկրի, պետության, պետականության կորուստ»,- ասաց նա։

Վանեցյանն ընդգծեց, որ հունիսի 20-ին վերջ են դնելու կապիտուլյանտ իշխանություններին ու կառուցելու են նոր Հայաստան։

«Խնդրում եմ բոլորիդ ևս մեկ անգամ, հունիսի 20-ին ընտրեք թիվ 6 քվեաթերթիկը՝ «Պատիվ ունեմ» դաշինքը»,- ասաց նա։