Ձեր վստահելի աղբյուրը

Սուրբ Աթոռում ՀՀ նախկին դեսպան Միքայել Մինասյանը գրում է՝ կիրակի օրվա ընտրությունից է կախված լինելու կունենանք Հայաստան, թե ոչ:

«3 օրից Հայաստանի քաղաքացիներն ընտրելու են կյանքի ու մահվան միջև. ընտրությունը լինելու է աշխատանքի ու կայունության կամ հիստերիկ աղմուկի, շարունակական պարտության, ապացուցված դավաճանության և արդեն զավեշտի հասնող սպառնալիքների միջև:

Իմ խորհուրդն ու խնդրանքն է ընկերներիս, բոլոր մարդկանց, որոնց համար կարծիքս կարևոր է. անպայման մասնակցեք ընտրություններին և քվեարկեք այն ուժի օգտին, որը երբևէ չի համագործակցի դավաճան վիժվածքի հետ»,- գրել է նա: 

«Բոլորդ գիտեք իմ վերաբերմունքն այս ընտրություններին. ես եղել եմ դեմ ու մինչև հիմա համարում եմ, որ այս ընտրությունները լավագույն ձևը չէ և չի պայքարելու հայ ժողովրդի և Հայաստանի Հանրապետության պատմական դավաճան և թշնամի Նիկոլ Փաշինյանի դեմ: Բայց ունենք այն, ինչ ունեն: Ուղիղ երեք օրից Հայաստանի քաղաքացիները պետք է ընտրեն կամ կյանքը, կամ մահը, որովհետև այլ կերպ մեկնաբանել այս ընտրություններն այլևս անհնարին են:

Ես կոչ եմ անում բոլորին գնալ և ընտրել ոչ Նիկոլ Փաշինյանին: Ես խնդրում եմ բոլորին՝ գնացեք և ընտրեք: Ընտրեք ըստ ձեր ունեցած ինֆորմացիների, որոնք բոլորիս առջև են: Ըստ ձեր խղճի, ըստ մեր բոլորի համար լավագույն ապագայի:

Իսկ ես կարծում եմ, որ լավագույն ապագան Նիկոլ Փաշինյանի հետ չէ: Ընդհանրապես Նիկոլ Փաշինյանի հետ մենք չունենք ապագա:

Հայաստանի քաղաքացիներն իրավունք ունեն ունենալու լավ երկիր, իսկ այդ երկիրը, ըստ իսկ, կարող ապահովել Սերժ Սարգսյանը:

Ինչու Սերժ Սարգսյանը, որովհտեև Սերժ Սարգսյանի տաս տարիները մեր աչքի առջև են, դեռ թարմ են մեր հիշողության մեջ: Մենք գիտենք Սերժ Սարգսյանի և լավ, և վատ կողմերը, և այսօր այս դժոխքի բարձունքից կամ խորությունից մենք կարող ենք տեսնել, որ Սերժ Սարգսյանը կարողանում էր մեծ գերտերությունների շահերի մեջ, թշնամիների և ընկերների մեջ, ժողովրդի համար այս նավն այնպես տանել առաջ, որ մի քիչ կարող է լավ չէր, մի քիչ կարող է այսպես չէր, բայց դժոխք չէր: Եթե մենք ուզում ենք, ես ուզում եմ վերադարձ չաղմուկի, վերադարձ հասկանալի օրվա, գնացեք և ընտրեք համար 6-ը:

Ես գիտեմ, որ ընկերներիցս շատերը հիմա ինձ ասելու են՝ բա մենք ոնց ընտրենք Սերժ Սարգսյանին, «Պատիվ ունեմ» դաշինքը, եթե այնտեղ կա Արթուր Վանեցյանը, չէ՞ որ Արթուր Վանեցյանն էր մեզ բռնում, չէ՞ որ Արթուր Վանեցյանն էր Նիկոլ Փաշինյանի հետ:

Ես կարող եմ հիշեցնել և ուզում եմ հիշեցնել իմ ընկերներին, իմ ընկերների մասին եմ խոսում՝ Նարեկ Սամսոնյանի, Նարեկ Մալյանի մասին եմ խոսում, Արթուր Դանիելյանի, շատերի, ում, այո, Նիկոլ Փաշինյանի իշխանությունն առաջին իսկ օրվանից հալածել է, պառկացրել է ասֆալտին, և տղաներն առաջին օրվանից փորձում էին Հայաստանի քաղաքացիներին ասել, որ սա վատ է, դժոխք է:

Ուզում եմ հիշեցնել, որ Արթուր Վանեցյանն ունի իր սխալ ընտրությունը, ինչպես մենք ենք ժամանակին ունեցել մեր սխալ ընտրությունը, սխալվելու իրավունքը, բայց Արթուր Վանեցյանը պատերազմից մեկ տարի առաջ իր իշխանության ամենաբարձր կետից հրաժարվեց և ունենալով պատիվ՝ ասաց՝ Նիկոլ Փաշինյան կանգ առ:

Արթուր Վանեցյանն այսօրվա պաշտոնյաներից չէ, որ երբ Նիկոլ Փաշինյանն իրենց գործից ազատում է, ինչ որ մի հատ ինտերվյու են տալիս ու ասում են՝ սխալվել ենք: Ոչ: Արթուր Վանեցյանը, կարծում եմ, անցել է իր քավարանով և անցնում է, և նա այսօր իրավունք ունի ստանալու մեր քվեն:
Վստահեցնում եմ Ձեզ, որ Արթուր Վանեցյանի և Սերժ Սարգսյանի դաշինքը կարող է երկիրը կայունացնել, բերել ինչ որ մի հասկանալի իրավիճակի:

Բայց, եթե դուք չեք ուզում ընտրել Արթուր Վանեցյանին, եթե դուք չեք վստահում Սերժ Սարգսյանին, ուրեմն գնացեք և ընտրեք «Հայաստան» դաշինքը, որովհետև այնտեղ կան շատ արժանապատիվ մարդիկ՝ Ռոբերտ Քոչարյանը, Վահե Հակոբյանը, Իշխան Սաղաթելյանը, նրանք մարդիկ են, ում և լավը, և վատը մենք գիտենք: Եթե մենք ուզում ենք, որ նիկոլիզմը վերանա մեր երկրից ու պատժվի, պետք է ընտրել «Հայաստան» դաշինքը:

Եվ ես վստահ եմ՝ մեր բոլորի առջև է այն սպասելիքը, որը մենք սպասում ենք «Հայաստան» դաշինքից: Իրենք ասում են, թե ինչու են գալիս՝ պատժելու և երկիրը զարգացնելու: Վստահ եմ, որ նրանք կարող են:

Չեք ուզում ընտրել երկրորդ նախագահին, երրորդ նախագահին, խնդրեմ, եթե վստահ եք, որ «Բարգավաճ Հայաստանը» Նիկոլը հետ չի կազմելու դաշինք, եթե հավատում եք Գագիկ Ծառուկյանին, ընտրեք Գագիկ Ծառուկյանին: Ընտրեք ում ուզում եք, բայց գնացեք և ընտրեք»,- ասում է նա՝ կոչ անելով ընտրել այն մարդուն, դաշինքը կամ կուսակցությանը, ով հաստատ Նիկոլ Փաշինյանի հետ չէ:

«Ես անձամբ ընտրելու եմ Սերժ Սարգսյանին և Արթուր Վանեցյանին: Ես անձամբ կոչ եմ անում իմ ընկերներին ընտրելու «Պատիվ ունեմ» դաշինքը: Բայց ամենակարևոր ընտրությունը կյանքի և մահի մեջ է: Ես կոչ եմ անում ընտրել կյանքը, կոչ եմ անում չընտրել վիժվածք, հողատու, դավաճան Նիկոլ Փաշինյանին, այլ ընտրել ապագա, իսկական ապագա, Հայաստանի համար ապագա: Եվ ուրեմն՝ հավերժ անտինիկոլ, երանի՜ ծնված չլինեիր նիկոլոս դավաճան պյոս»,- տեսանյութում ասում է Միքայել Մինասյանը:

Նա նաև տեսանյութ է հրապարակել: