Ձեր վստահելի աղբյուրը

«Հայաստանի երկրորդ նախագահ Ռոբերտ Քոչարյանի ղեկավարման տաս տարիները լավագույն տարիներն էին մեր պետության համար՝ խաղաղ, բանակցային գործընթացում առաջընթաց արձանագրած, վստահելի գործընկեր»,- ասուլիսում ասաց քաղաքագետ Ռուբեն Հակոբյանը:
Նա նշեց, որ հայհոյանքով է գնում ողջ քարոզարշավը, միակ քաղաքական թեման, որ ներմուծվում է Լևոն Տեր-Պետրոսյանն է. «Դա էլ է հայհոյանք, բայց ավելի վտանգավոր է, որովհետև գեղեցիկ է մատուցվում»:

Ռ.  Հակոբյանի խոսքով, Լևոն Տեր-Պետրոսյանի միակ խնդիրը եղել է խոչընդոտել Ռոբերտ Քոչարյանին,  պայքարը նրա դեմ:

«Պատահական չէ, նենգություն էր, որ առաջարկում էր երեք նախագահներով  հավաքվեն, մեկին առաջադրենք»,- ասաց նա:

Ռ. Հակոբյանը նշեց, որ Նիկոլը  ծիծաղելի է, հիմա նրա դեմ  ոչ մեկ չի պայքարում, իսկ քաղաքական մեղադրանք հիմանականում միայն Լևոն Տեր-Պետրոսյանն է  ներկայացում ոչ թե Նիկոլին, այլ միայն Ռոբերտ Քոչարյանին:

«Իսկապես ժողովուրդը վախեցած է այս պահին, պատերազմի անունը, որ լսում է, ասում է՝ ով ուզում է  գա, մենակ պատերազմ չլինի:

Ինքը գողանում է ժողովրդի  զգացմունքները, դրա համար ասում է՝ տեսեք, հենց Քոչարյանը եկավ, պատերազմ է լինելու:  Ընդ որում ինքն ավելի շուտ կտանի պատերազմի, առավել ևս Նիկոլը, քան եղածներից միակ մարդը, ով կարող է իր փորձով, ինքը համոզիչ  և վստահելի է մեր ռազմավարական  դաշնակիցների համար, կարող է արժանապատիվ խաղաղություն բերել»,- ասաց քաղաքագետը:

Ասուլիսին ամբողջությամբ՝ տեսանյութում: