Ձեր վստահելի աղբյուրը

«Հայաստան» դաշինքի ընտրական շտաբի ղեկավար, նախկին փոխվարչապետ Արմեն Գևորգյանը, ով այսօր մասնակցում էր Հանրապետության հրապարակում անցկացված հանրահավաքին, երթի ավարտից հետո Թելագրամի իր էջում գրել է.

«Սիրելի հայրենակիցներ,

Այսօրվա հանրահավաքի էներգետիկան և ուժը մեծ հույսեր է տալիս, որ Հայաստանն, այո, ունի նոր վերելքի և հզորացման իրական ներուժ։

Շնորհակալություն եմ հայտնում բոլորին, ովքեր այսօր եկել էին հրապարակ հետևելով իրենց խղճի թելադրանքին՝ առանց որևէ պարտադրանքի կամ վարչական ռեսուրսի կիրառման։

Շնորհակալ եմ պետական համակարգի այն բազմահազար ծառայողներին, որոնք աշխատանքից հետո եկան հրապարակ և իրենց ներկայությամբ ցույց տվեցին, որ իրո´ք մտածում են երկրի ապագայի մասին։

Շնորհակալ եմ ոստիկանությանը՝ այսօրվա իրենց պրոֆեսիոնալ աշխատանքի և միջադեպերի բացառման համար։

Բոլորիս մաղթում եմ խաղաղ, արդար և վստահ ընտրական գործընթաց։ Ամեն ինչ լավ է լինելու»։