Սուրենավանի վթարի հետևանքով տուժած երեխայի վիճակում մի փոքր դրական դինամիկա կա

Հասարակություն 11:39 18/06/2021 Հայաստան

Սուրենավանի վթարի հետևանքով տուժած երեխայի վիճակում մի փոքր դրական դինամիկա կա

Սուրենավան համայնքում տեղի ունեցած վթարից տուժած տղայի առողջական վիճակում կա քիչ, բայց դրական տեղաշարժ:

«Սուրբ Աստվածամայր» ԲԿ-ի մամուլի խոսնակ Գևորգ Դերձյանը տեղեկացնում է, որ վիճակը շարունակում է մնալ ծանր, գտնվում է «Սուրբ Աստվածամայր» ԲԿ-ի վերակենդանացման բաժանմունքում:

Հիշեցնենք՝ 168.am-ի տեղեկություններով հունիսի 16-ին Վայոց ձորի մարզից Երևան գալու ճանապարհին, Տարածքային կառավարման նախարարի պաշտոնակատար Սուրեն Պապիկյանի Toyota Land crauser մակնիշի 36 RO 720 օպերատիվ պետհամարանիշներով մեքենան մեծ արագությամբ ընթանալիս Արարատի մարզի Սուրենավան գյուղի մոտ հարվածել է դիմացից ընթացող Նիվա մակնիշի ավտոմեքենային։

Վթարի պատճառով մեքենայի մեջ գտնվող 11 տարեկան երեխան, 168-ի տեղեկություններով, մեքենայից դուրս է ընկել ու հայտնվել բավականին հեռու։ Սուրեն Պապիկյանի օգնականները արագ հանել են մեքենայի պետհամարանիշները։ Իշխանություններն ամեն ինչ անում են դեպքը կոծկելու համար։

168-ի տեղեկությունների համաձայն, ի դեպ Սուրեն Պապիկյանը գտվել է մեքենայի մեջ։

Տուժած 14-ամյա պատանին տեղափոխվել էր Արարատի ԲԿ, որտեղից էլ տեղափոխվել էր Երևան՝ «Սուրբ Աստվածամայր» ԲԿ: Երեխայի մոտ կա զուգակցված վնասվածքներ, դիմային ոսկորների կոտրվածքներ, գլխուղեղի սալջարդ, ողերի կոտրվածքներ, կոնքի ոսկրերի կոտրվածներ, որովայնի սալջարդ: Վիրահատվել է, կատարվել է անհրաժեշտ բժշկական բոլոր միջամտությունները:

Հարակից հրապարակումներ`

Վթարի հետևանքով տուժած երեխայի վիճակը ծայրահեղ ծանր է

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: