Ձեր վստահելի աղբյուրը

«Բոլորս էլ ականատես ենք այս իշխանության անփառունակ ուղուն և մեծ հույսեր ունենք, որ այս ընտրությունների արդյունքում կձևավորվի հայրենասեր իշխանություն, որը կստեղծի ուժեղ պետություն և վերջապես կազատվենք դավաճանական ազգային արժեքներն առհամարող և բոլոր բացասկան հատկությունները կրող ռեժիմից»,-«Tert.am»-ին տված հարցազրույցում հայտնեց «Հայաստան» դաշինքի անդամ, Մեղրիի համայնքապետ Մխիթար Զաքարյանը և հավելեց, որ քվեարկել է հանուն ուժեղ պետության և հանուն երեխաների ապագայի։

Նա հայտնեց որ իր մակարդակից պետք է իջնի, որպեսզի արձագանքի Ստեփան Սաֆարյանի տարածած կեղծ տեղեկատվությանը, ըստ որի՝ ինքը լքելու է երկիրը և մեկնելու է Մինսկ։

Իհարկե, Մինսկը շատ լավ քաղաք է, ես մեծ ուրախությամբ կլինեի այնտեղ, բայց ցավոք սրտի մեր երկրում, համայնքում գործերի վիճակն այնպիսին են, որ դեռ երկար ժամանակ երկրից բացակայելն ես իրատեսական չեմ համարում».-հայտարարեց Մեղրի համայնքի ղեկավարը։

Նա նաև հայտնեց, որ  տեղեկատվություն ունի, որ զինվորներին ուղղորդում են քվեարկության ժամանակ։

«Այսպիսի մի անհասկանալի ֆրազա են մեջբերվում. «Մենք պետք է լինենք մեր գերագույն գլխավոր հրամանատարի հետ», իսկ ներկա գերագույն գլխավոր հրամանատարը և զինվորականությունը լրիվ հակադիր բևեռներ են»,-հայտնեց Մխիթար Զաքարյանը։