Ձեր վստահելի աղբյուրը

Այսօր առավոտյան Հայաստանում բացվել են ընտրատեղամասերը՝ Նիկոլ Փաշինյանի կողմից նշանակված արտահերթ ընտրությունների համար, և 2020-ին Ադրբեջանից երկրի ռազմական պարտության ֆոնին: Այս մասին գրում է Euronews-ը։

Կայքը գրում է, որ 2018-ին Հայաստանում այսպես կոչված թավշյա հեղափոխությունը ղեկավարած Փաշինյանն այժմ պայքարում է իր քաղաքական կյանքի համար այն բանից հետո, երբ Ադրբեջանը վեցշաբաթյա պատերազմում, որն ավարտվեց Ռուսաստանի միջնորդությամբ նոյեմբերին կնքված հրադադարով, վերադարձրեց Լեռնային Ղարաբաղի վիճելի տարածաշրջանի վերահսկողությունը, Հայաստանը համաձայնեց հանձնել այն տարածքը, որը երկիրը գրավել էր Ադրբեջանից 1994 թ-ին, և պարտությունը հանգեցրեց փողոցային բողոքի ցույցերի և 46-ամյա նախկին լրագրող և բողոքի ցույցերի առաջնորդ Փաշինյանի հրաժարականի կոչերի:

««Փոխարենը Փաշինյանը նախընտրեց խաղադրույք անել նոր խորհրդարանական ընտրությունների վրա՝ հակամարտության ավարտից ամիսներ անց, որի ընթացքում սպանվեց գրեթե 6000 մարդ։ Նա բախվում է հայկական ռազմական էլիտայի ներկայացուցիչների հակազդեցությանը և հույս ունի, որ կիրակի օրը լավ արդյունքով կդիմակայի ընդդիմությանը»,-գրում է կայքը:

«Լուզեր» 

Նրա «Քաղաքացիական պայմանագիր» կուսակցությունը բախվում է ընդդիմության, որը ղեկավարում է Ռոբերտ Քոչարյանը, նախկին նախագահը, որը Փաշինյանին անվանել է «լուզեր» (Loser, պարտված)  և մեղադրել նրան վախկոտության մեջ:

Նշվում է՝ հարցումները ցույց են տալիս, որ երկու կուսակցություններն ունեն «կողք-կողքի» աջակցություն, մոտ 24 տոկոս։ Փաշինյանը ցանկանում է ստանալ «պողպատե մանդատ» ու ելույթների ժամանակ թափահարում էր իրական մուրճ։

Հայաստանի 2,9 միլիոն բնակչությունից մոտ 2,6 միլիոն մարդ գրանցված է կիրակի քվեարկելու համար, և նրանք կընտրեն 101 պատգամավոր ռեկորդային թվով կուսակցություններից։

Եթե կառավարող մեծամասնություն չձևավորվի, հուլիսին կանցկացվի ընտրությունների երկրորդ փուլը: