Ձեր վստահելի աղբյուրը

«Հայաստան» դաշինքի անդամ, Գորիսի համայնքապետ Առուշ Առուշանյանը քվեարկել է հանուն արդար, ուժեղ Հայաստանի:

«Անկախ ամեն ինչի՝ գորիսեցիների կարծիք վրա որևէ մարդ չի կարող ազդել, մարդիկ կընտրեն այն, ինչը ճիշտն է»,- լրագրողների հետ զրույցում ասաց նա:

Ա. Առուշանյանի գնահատմամբ, Գորիսում, նաև Հայաստանի ողջ տարածքում «Հայաստան» դաշինքի հաղթելու շանսերը բարձր են. «Մարդիկ գիտակցում են վաղվա իրենց օրն ինչ է լինելու, բնականաբար, պետք է սատարեն այն  կուսակցությանը, որ ունի ուժ, փորձ, հետևաբար համոզված եմ, որ մեր դաշինքը  կհաղթի»:

Նրա համար ամենակարևորն այն է, որ վաղվա Հայաստանը լինի ուժեղ, արդար, տնտեսության մեջ լուրջ քայլեր ձեռնարկեն՝ այդպես կանխելով այն մեծ արտագաղթը, որ սկսվել է պատերազմից հետո:

«Համոզված եմ՝ կձեռնարկվեն այդ քայլերը և վաղվա մեր կյանքի որակը շատ ավելի լավը կլինի»,- ասաց Առուշան Առուշանյանը: