Իշխանութան քայլերը վկայում են ջղաձգումների ու պարտության զգացումի մասին. Իշխան Սաղաթելյան

Քաղաքական 17:34 20/06/2021 Հայաստան

Իշխանութան քայլերը վկայում են ջղաձգումների ու պարտության զգացումի մասին. Իշխան Սաղաթելյան

«Հայաստան» դաշինքի առաջնորդներից ՀՅԴ Հայաստանի ԳՄ ներկայացուցիչ Իշխան Սաղաթելյանը քվեարկել է հանուն ուժեղ, անվտանգ, կայուն, բարեկեցիկ, ժողովրդավար ու անվտանգ Հայաստանի:

«Սա Սարդարապատ է, պետություն ունենալ-չունենալու ընտրություն է»,- Գեղարքունիքի Գեղամավան գյուղի 20/16 քվեարկությունը կատարելուց հետո լրագրողներին ասաց Ի.Սաղաթելյանը:

Նա նշեց, որ այսօր իրենց իրականացրած աշխատանքի ամփոփումն է լինելու և վստահություն հայտնեց, որ ժողովուրդը հաղթանակ է արձանագրելու՝ պետականություն ունենալու և պետականությունը ժողովրդին վերադարձնելու, Հայաստանն ապրելու երկիր սարքելու իմաստով:

«Վստահ եմ արդյունքների վրա, վստահ եմ, որ ամեն ինչ լավ է լինելու»,- ընդգծեց Իշխան Սաղաթելյանը:

Ինչ վերաբերում է ընտրակեղծիքների վերաբերյալ ահազանգերին, ՀՅԴ ԳՄ ներկայացուցիչն ասաց. «Ակնհայտ է, որ գործող իշխանությունը հոգեվարքի մեջ է, հանրապետության ամբողջ տարածքում կիրառվող վարչական ռեսուրսը, ոստիկանական ռեսուրսները, շտաբի անդամներին քաշքշելն ու բաժիններ հրավիրելը վկայում են իշխանության ջղաձգումների ու պարտության զգացումի մասին:

Մենք մինչև վերջ տեր ենք կանգնելու մեր յուրքանչյուր քվեին, այս պահին նաև ի զգուշացում իրենց՝ բոլոր արտոնյալները, որոնք ինչ ուզում, անում եմ, այդ թվում նաև Գեղարքունիքի մարզում, թույլ չենք տալու, կանխելու են, իսկ ընտրություններից հետո յուրաքանչյուրը հատ-հատ պատասխան է տալու»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: