Ձեր վստահելի աղբյուրը

Ընտրությունների վերահսկման կոմիտեն և դիտորդություն իրականացնող այլ կազմակերպություններ խայտառակ ծավալի տեղեկատվություն են ստանում խախտումների վերաբերյալ, այս պահի դրությամբ արդեն կարելի է խոսել լրջագույն խախտումների մասին: Ֆեյսբուքյան ուղիղ եթերում ասաց Ընտրությունների վերահսկման կոմիտեի անդամ, իրավապաշտպան Ռուբեն Մելիքյանը:

«Չեմ հիշում առհասարակ նման բան երբ է եղել»,- նշեց նա:

Ռ. Մելիքյանի խոսքով, խախտումները համակարգային նշանակություն ունեն, առանձին-առանձին լրջորեն ազդում են ընտրությունների արդյունքների վրա:

«Իշխող քաղաքական ուժը լուրջ միջոցներ է ձեռնարկում քաղաքացիների քվեն իրենց ցանկալի ձևով վերափոխելու համար, ինչը դրսևորվում է մի քանի ուղղություններով»,- ասաց նա:

Ռ. Մելիքյանի խոսքով, բազմաթիվ տեղեկություններ են ստացվում հատկապես զինծառայողների ուղղորդված քվեարկության վերաբերյալ, խայտառակ հակաքարոզչություն ընդդիմադիր գլխավոր ուժերից մեկի դեմ, Սիսիանում, առհասարակ Սյունիքի տարբեր քաղաքներում բացարձակապես անհիմն խուզարկություններ են ու բերման են ենթարկում «Հայաստան» դաշինքի շտաբի անդամներին:

«Սյունիքի մարզում, ակնհայտ է, հստակ ուղղորդվածություն կա, քանի որ կարծես իշխող քաղաքական ուժը սկզբունքային խնդիր է դրել իր առջև «ողջյուններ» ստանալուց հետո ապահովել որոշակի կամ բարձր ձայներ»,- ասաց իրավապաշտպանը:

Նա նշեց, որ քվեաթերթիկների հետ կապված բազմաթիվ ահազանգեր կան, որ չեն տրամադրում առանձին ընդդիմադիր ուժերի քվերաթերթիկներ, կամ որոշ դեպքերում չնախատեսված  նշումներ են լինելում քվեաթերթիկների վրա: