Ստանում ենք ահազանգեր պաշտոնատար անձնանց կողմից ուղղորդումների ու ճնշումների վերաբերյալ. «Պատիվ ունեմ» դաշինքի ներկայացուցիչ

Քաղաքական 16:18 20/06/2021 Հայաստան

«Այսօր վաղ առավոտից տեղի են ունենում զանգվածային ընտրախախտումներ: Այս ընտրություններն այդ առումով, իրոք, աննախադեպ են իշխանության լկտիությունների և իրավապահ համակարգի ուղղակի ոչ միայն ձեռնպահ մնալու, նաև ընտրության օրինական ընթացքը խանգարելու առումով»,- ասուլիսում ասաց «Պատիվ ունեմ» դաշինքի կենտրոնակայանում տեղի կունենա դաշինքի հանրային կապերի և ԶԼՄ-ների հետ հարաբերությունների պատասխանատու, «Հայրենիք» կուսակցության մամուլի քարտուղար Սոս Հակոբյանը:

Նա ներկայացրեց «Պատիվ ունեմ» դաշինքի հայտարարությունն ընտրությունների ընթացքի վերաբերյալ՝ նշելով, որ արձանագրել են հատկապես վերջին 48 ժամում ժամանակավոր իշխանությունները լծվել են առաջատար քաղաքական ուժերի՝ «Պատիվ ունեմ» դաշինքի թեկնածուների և աջակիցների դեմ բռնաճնշումներ իրականացնելու անպատվաբեր գործին, իրականացվել են ակնհայտ ապօրինի խուզարկություններ, ձերբակալություններ, որոնց մեծ մասը դատական ատյաններն արդեն չեղարկել են:

«Ժամը 15:45-ի դրությամբ գերազանցապես մարզային ընտրատեղամասերից շարունակում են ստանալ բազմաթիվ ահազանգեր տեղերում պաշտոնատար անձնանց կողմից ուղղորդումների ու ճնշումների վերաբերյալ»,- ասաց Ս. Հակոբյանը:

Նա նշեց, որ արձանագրվող խախտումները կարող են հստակորեն ազդել ընտրությունների արդյունքի, ելքի վրա:

Ս. Հակոբյանի խոսքով, շարունակում են հետևել գործընթացին, ստանում են տեղեկատվություն իրեն տեղամասերից, փաստաթղթավորվում են հետագայում ներկայացնելու պատկան մարմիններին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: