Ձեր վստահելի աղբյուրը

Արտահերթ խորհրդարանական ընտրությունների մասնակից 5165 կուսակցության ընտրական ցուցակը գլխավորող Կարին Տոնոյանը, որի որդին զոհվեց Արցախի պատերազմում, գրել է.

«Պարտվում է ժողովուրդը, ԱԶԳ-ին պարտություն չկա:

15,534 մարդու առջև այսօր խոնարում եմ գլուխս- դուք արժանի էիք իմ որդու զոհողությանը, որովհետև հասկացաք, որ միայն բարին է չարին հաղթում, որ միայն սերն է հաղթում ատելությանը և Հայրենիքին անձնազոհ նվիրումն է հաղթում դավաճանությանը: 

Այսօրվանից սկսում ենք պատրաստվել  ՏԵՐ կանգնելու մեր ազգին. այսօրվանից սկսում ենք ոլորտային ծրագրերի շարունակական իրագործում.

- շարունակում ենք սահմանների պաշտպանական վիճակի ուսումնասիրություններն ու աջակցությունները,

- շարունակում ենք ազգի ինքնաճանաչողական մշակութային ծրագրերի իրականացումը,

- շարունակում ենք երիտասարդական և մանկական կրթական ծրագրերըի իրականացումը        սկսում ենք գյուղ- համայնք հիմնադրամ ծրագրի փորձարկումը և այլն:

Առաջիկայում առավել հստակ կհրապարակենք մոտակա անելիքները և կսկսենք այդ աշխատանքներին ցանկացողների  ներգրավման համապատասխան հանդիպումներ: Պարտվում է ժողովուրդը, ԱԶԳ-ին պարտություն չկա:

 «5165 շարժումը» սկսում է իր նպատակային աշխատանքները»։