Ձեր վստահելի աղբյուրը

Հայտնի բժիշկ, «Իզմիրլյան» ԲԿ տնօրեն, «Հայաստան» դաշինքի ներկայացուցիչ Արմեն Չարչյանի գործով դատական նիստը կայանալու է այսօր ժամը 16:30-ին:

«Բոլոր նոր նյութերի ուսումնասիրությունից հետո նորից ենք ասում պրոֆեսոր Չարչյանը լինելու է ազատության մեջ։

Դատական նիստը նշանակվել է ժամը 16:30-ին Ավան նստավայր, դատավոր Մելիքսեթյան»,- գրել է պաշտպաններից Էրիկ Ալեքսանյանը: 

Հիշեցնենք՝ ավելի վաղը հայտնի բժիշկ, «Հայաստան» դաշինքի պատգամավորության թեկնածու Արմեն Չարչյանի պաշտպաննեը հայտնել էին, որ քննիչը որոշում է կայացրել պարոն Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն հարուցել։

«Պարոն Չարչյանը չի ընդունում իրեն առաջադրված մեղադրանքը, հրաժարվել է ցուցմունք տալ և  պնդում է, որ իր նկատմամբ իրականացվող հետապնդումն իր մեջ պարունակում է քաղաքական երանգներ»,-նշել էին պաշտպանները։