Ձեր վստահելի աղբյուրը

Հունիսի 26-ին և 27-ին Սոս Սարգսյանի անվան Համազգային թատրոնը կմասնակցի Չեխովյան 15-րդ հեղինակավոր փառատոնին Գի դը Մոպասանի «Փափլիկը» ներկայացմամբ։  Բեմադրիչն է Նարինե Գրիգորյանը, ռեժիսորը՝ Յուրի Կոստանյանը, երաժշտական ձևավորումը` Նարեկ Բաղդասարյանի

«Այսօր և հունիսի 27-ին Մոսկվայի Մեյերհոլդի անվան կենտրոնի դեմում ռուս հանդիսատեսին ներկայացվելու է «Փափլիկը», որը բեմադրել է թատրոնի գեղարվեստական ղեկավար, ռեժիսոր Նարինե Գրիգորյանը՝ պայծառ աստղ Հայաստանի թատերական կյանքում»,- ՏԱՍՍ-ի հաղորդմամբ ասել են փառատոնի մամուլի ծառայությունից։

Լրագրողների հետ հանդիպմանը Նարինե Գրիգորյանը խոստովանել է՝ «ուրախ եմ Մոսկվայում ներկայացնել իմ նոր բեմադրությունը»:

«Համաճարակից և Լեռնային Ղարաբաղի պատերազմից հետո մենք հատկապես փնտրում ենք գեղեցկություն և ներդաշնակություն: Եվ որտեղ այն կարելի է ձեռք բերել, եթե ոչ թատրոնի մոգական տարածքում` Մոսկվայի Չեխովի փառատոնում՝ այնտեղ, որտեղ ավելի շատ մեզ միավորող բան կա, քան բաժանող», - ասել է ռեժիսորը:

Նարինե Գրիգորյանը նշել է, որ այս ներկայացումը շատ է սիրում։

«Այն ծնվել է հեշտ, բուռն, հետաքրքիր», - ասել է ռեժիսորը։

Նրա ներկայացմամբ, բեմադրության մեջ օգտագործել է համր կինոյի, պլաստիկության, էքսպրեսիայի, գրոտեսկի տարրեր:

«Ես շատ եմ ուզում, որ մեր «Փամփլիկը» դուր գա ռուս հանդիսատեսին»,- ասել է ռեժիսորը։

Ներկայացման մեջ հանդես են գալիս` Վարշամ Գևորգյան, Տաթև Ղազարյան, Դավիթ Հակոբյան, Ալլա Սահակյան, Գագիկ Մադոյան, Արմինե Անդրեասյան, Նարեկ Բաղդասարյան, Սերգեյ Թովմասյան, Մարիա Սեյրանյան, Ստեփան Ղամբարյան։