Ձեր վստահելի աղբյուրը

«Շիրակի մարզում իշխանափոխությունից հետո երեք մարզպետ է նշանակվել, երեքն էլ չեն շփվել համայնքի ղեկավարների հետ։ Գրեթե այցելություններ չեն եղել, կարեծես՝ մենք անտեսված ենք եղել․ սպասել են մինչև մեր լիազորություններն ավարտվի, մեզնից ազատվեն»,- «Հայաստան» դաշինքի մամուլի սրահում ասուլիսի ժամանակ ասել է Շիրակի մարզի Ազատան համայնքի ղեկավար Վարդան Իկիլիկյանը։

Նա նշել է՝ վերջին ընտրություններում, ճիշտ է, մեզ չեն ասել դիմում գրեք, ի տարբերություն մյուս մարզերի, բայց կա մի խումբ, որ 72 ժամ են տվել մեր համայնքապետերին։

«Ասել են, թե պետք է հրաժարական տանք, որ ժողովուրդն է դա պահանջում։ Ցավոք, մեր հանրապետությունում տեսնում ենք 1937 թվականի նման ինչ-որ մոտեցումներ, կարելի է տեսնել մեծ վաստակ ուենցող համայնքի ղեկավարի նկատմամբ ֆիզիկական ուժ են գործադրում։ Դա վիրավորական է, և ես դատապարտում եմ այդ քայլը»,- ասել է Վարդան Իկիլիկյանը։

Ասուլիսում Արարատի մարզի Այգեստան համայնքի ղեկավար Սոկրատ Հովսեփյանը պատմել է, որ 15/17 տեղամասում ես վստահված անձ էր, հանգիստ հետևում էի ընտրությունների ընթացքին։

«Ոստիկանները մոտեցան ինձ և ասացին, որ ահազանգ են ստացել, որ ես ուղղորդում եմ ընտրողներին»,- ասել է  նա:

Շարունակելով թեման՝ նշել է, որ կեղծ ահազանգի պատճառով իրեն մեկ և կես ժամ մեկուսացրել են ընտրական պրոցեսից և թույլ չեն տվել հետևել գործընթացին: Սոկրատ Հովսեփյանը պահանջ է ներկայացնում ոստիկանապետին՝ բացահայտել, թե ով է ահազանգողը: