Ձեր վստահելի աղբյուրը

Վարորդներն ակցիա են իրականացնում Պետական եկամուտների կոմիտեի մոտ: «Ավտովարորդների պաշտպանության լիգայի»  նախագահ Տիգրան Հովհաննիյանը լրագրողների հետ զրույցում ասաց, որ երեք ամիս առաջ մոտ 100 անհատ բեռնափոխադրողներով դիմել են ՊԵԿ նախագահին, որի մաքսային գծով գործառույթներն իրականացնում է Շուշանիկ Ներսիսիյանը:

«Բեռնափոխադրողներով խնդրել ենք, որպեսզի Մեղրիի մաքսատանը հայ բեռնափոխադրողներին տեղ հատկացնեն, որ նրանք այդ տարածքում կարողանան տեղափոխել պարսկական բեռը հայկական ֆուռերի մեջ ու բերել Երևան: Պարսիկներն իրենք են խնդրում, ասում են՝ իրենք բերեն, հասցնեն մինչև Մեղրիի մաքստուն, հետո  մենք տանենք, գումար աշխատենք:

Դիմումի տակ գրել ենք՝ խնդրում ենք ձեր յուրային օլիգարխներին մեջ չքաշենք»,- ասաց նա:

Տ. Հովհաննիսյանի խոսքով,  100 բեռնափոխադրողներվ իրենք կարող են սեփական միջոցներով նման տարածք կառուցել:

«Բայց լսել ենք, որ յուրայիններից ընտրություններին մասնակցած որոշ օլիգարխների են դիմել,  Խաչատուր Սուքիասյանի անունը տալիս եմ, թող պարզապես պարոն Սուքիասյանն ասի՝ իրենն առաջարկե՞լ են տերմինալ կառուցել Մեղրիում, և մեզ նորից  ծառայեցնեն ինչ-որ մեկին»,- ասաց նա:

Տ. Հովհաննսյանը նշեց, որ  ավտոներկրողներն էլ  խնդիր ունեն:

«Մենք վստահ ենք, որ ճիշտ ենք: Եկել ենք այսօր  զգուշացնելու, իսկ  15 օր անց կրկին այս փողոցում կլինենք, կփակենք կամ էլ ֆուռերով կհավաքվենք կառավարության դիմաց, եթե մեր բարձրաձայնած խնդիրները չքննարկվեն, պատասխան չստանանք»,- ասաց «Ավտովարորդների պաշտպանության լիգայի»  նախագահը: