Ձեր վստահելի աղբյուրը

«7-րդ գումարման Ազգային ժողովի նիստերի վերջին օրն է, ուզում եմ հասկանալ՝ վերջապես պե՞տք է որևէ մի լավ նախագիծ անցնի, թե ոչ: Ի՞նչ է  նշանակում, որ գալիս են այստեղ ու ասում են՝ կոչ եմ արել կողմ քվեարկեն, կոչ եմ անում չքվեարկել և այլն»,- ԱԺ արտահերթ նիստում ասաց պատգամավոր Սոֆյա Հովսեփյանը՝ նկատի ունենալով Հայաստանի Հանրապետության քաղաքացիական օրենսգրքում փոփոխություն կատարելու մասին հարցի քննարկման ժամանակ հնչած  կարծիքները:

Նախագիծը վերաբերում է ինքնակամ կառույցներին:

«Կարևոր նախագիծ է: Արդյո՞ք մեզ համար նորմալ չի, որ ապօրինի շինություններ առհասարակ չպետք է լինեն կամ քանդվեն: Շնորհակալ կլինեն քաղաքացիները, որ վերջապես ապօրինի շինությունների վերջն այս քաղաքում, նաև ողջ երկրում տրվի:

Եթե որևէ մեկի շահերն է այստեղ հետապնդվում, մի արեք, լուրջ խնդիր է: 

Կոչ եմ անում, եթե նորմալ նախագիծ է, համախոհություն ցուցաբերեք և կողմ քվեարկեք»,- ասաց նա:

Նշենք, որ այդ հարցի hիմնական զեկուցող ԱԺ պատգամավոր  Նիկոլ Բաղդասարյանն ասաց, որ այդ նախագծի մեջ մտնող փաթեթում միան Վարչական դատավարության օրենսգրքի փոփոխությունն է այս պահին դրվել լիագումար նիստի քննարկմանը, մնացածը չեն դրվել, քանի որ ԱԺ կանոնակարգ օրենքի կետեր կային, չէր կարող այդ նախագիծը մտնել լիագումար նիստ:

Հարակից զեկուցող պետաիրավական հարցերի մշտական հանձնաժաղովի անդամ Արթուր Դավթյանն ասաց, որ հանձնաժողովը դեմ էր, որ փաթեթն ամբողջությամբ դրվի քվեարկության:

«Ոչ թե տեխնիկական խնդիր էր, ինչպես ներկայացում է Նիկոլայ Բաղդասարյանը, այլ եթե հանձնաժողովը բացասական եզրակացություն տար, չէր գա: Հանձնաժողովը կողմ է քվեարկել միայն Վարչական դատավարության օրենսգրքի 83-րդ հոդվածին»,- ասաց պատգամավորը:

Նա նշեց, որ հանձնաժողովի նիստի ժամանակ քննարկմանը պայմանավորվել էին, որ մնում է մեկ նախագիծ, խոսքը գնում է  Վարչական դատավարության օրենսգրքի մասին, իսկ մյուս բոլորը դուրս է գալիս:

«Բայց, փաստորեն, քարտուղորությունից իմանում ենք, որ Քաղաքացիական օրենսգրքի փոփոխությունը, որն առաջին ընթերցմամբ քվեարկել ենք, նույնպես մնացել է: Այդ դեպքում դիրքրոշուոմը փոխվում է, հանձնաժողովը եղել է մոլորության մեջ, քանի որ հարցը դրվել է, որ միայն քննարվում է Վարչական դատավարության օրենսգրքի 83 հոդվածի փոփոխությունը, տենց ենք քվեարկել:

Իմ անձնական կարծքով, սա չի կարելի օրենք ընդունել, սրան պետք է դեմ քվեարկել՝ հաշվի առնելով  այն հանգամանքը, որ Քաղաքացիական օրենսգրքի փոփոխությունները մնում են»,- հայտարարեց Ա. Դավթյանը: 

Հարցը դրվեց քվեարկության այսպես՝  Հայաստանի Հանրապետության քաղաքացիական օրենսգրքում փոփոխություն կատարելու մասին օրենքի նախագիծը և Վարչական դատավարության մասին օրենքում լրացում կատարելու մասին նախագծի փաթեթը երկրորդ ընթերցմամբ և ամբողջությամբ ընդունելու մասին:

Վարման կարգով «Իմ քայլը» խմբակցության ղեկավար Լիլիթ Մակունցն ասաց՝ քանի որ առաջին ընթերցման ժամանակ հանձնաժողովում դարձյալ կարծիքները կիսվել  են, ինչպես նաև այսօր, երկրորդ քննարկման ժամանակ  իրենց խմբակցությունը դարձյալ ազատ կքվեարկի:

«Հույս եմ հայտնում, երե նախագիծը չանցնի, ապա առկա նախագծի հիման վրա 8-րդ գումար Ազգային ժողովը կլրամշակի ու կընդունի, իսկ եթե անցնի, ուժի մեջ է մտնում 2022 թվականի փետրվարից, ժամանակ կլինի որպեսզի 8-րդ գումանար ԱԺ-ն այն  լրամշակի»,- ասաց Մակունցը:

Որոշումն Ազգային ժողովը չընդունեց. կողմ՝ 37, դեմ՝ 13, ձեռնպահ՝ 15:

Նշենք, որ օրինագծի հեղինակներն են՝ Նիկոլայ Բաղդասարյան, Ծովինար Վարդանյան, Վիկտոր Ենգիբարյան, Հայկ Գեւորգյան, Սերգեյ Մովսիսյան, Գեւորգ Պապոյան, Հայկ Սարգսյան, Հովիկ Աղազարյան, Հռիփսիմե Գրիգորյան, Սերգեյ Ատոմյան եւ Հայկ Ցիրունյան: Հեղինակների համոզմամբ, եթե ընդունվեն  փոփոխությունները, ապա Հայաստանում այլևս չեն կառուցվի ինքնակամ կառույցներ: Ըստ հիմնավորման` նախորդ տարիներին ձևավորվել է պրակտիկա, երբ տնտեսվարող սուբյեկտներն ու ֆիզիկական անձինք կառուցապատումը կատարում էին առանց շինարարության  թույլտվության, իսկ այնուհետև դիմում  համայնքի ղեկավարին` ինքնակամ կառույցներն օրինականացնելու խնդրանքով: Պատճառն այն է, որ ինքնակամ շինությունների օրինականացումն ավելի արագ է կատարվում և ավելի մատչելի է, քան օրինական կարգով շինարարության թույլտվություն ստանալը:

Հետևաբար առաջարկվում էր փոփոխություն կատարել Քաղաքացիական օրենսգրքի 188-րդ հոդվածում` այն շարադրելով  նոր խմբագրությամբ: Փոփոխությամբ կապահովվեին  և տնտեսվարող սուբյեկտների, և քաղաքացիների իրավունքները` ինքնակամ կառույցների օրինականացման հարցում, և  համայնքի իրավունքը` ապամոնտաժելու ինքնակամ կառույցները` առանց վարչական վարույթ իրականացնելու: Նախատեսվում էր նաև, որ ինքնակամ կառույցների ապամոնտաժման ծախսերն ամբողջությամբ  կրելու էր կառուցապատողը` անկախ նրանից, թե ով է այդ աշխատանքները կատարել: Նախագծով լուծվում էր նաև ինքնակամ կառույցների առկայությամբ անշարժ գույքի պետական գրանցման հարցը:

Առաջին ընթերցմամբ քննարկման ժամանակ ՀՀ կադաստրի կոմիտեի  ղեկավարի տեղակալ Արման Պետրոսյանը  նշել էր, որ նախագծի բազմաթիվ դրույթներ խնդրահարույց են, մասնավորապես չի հստակեցվում, թե ինչ է լինելու այն ինքնակամ կառույցների ճակատագիրը, որոնց մի մասը գտնվում է պետական կամ համայնքային պատկանելության հողամասերի վրա: Նաև չի հստակեցվում` ինչպես է որոշվելու, թե երբ է կառուցվել տվյալ ինքնակամ կառույցը, քանի որ, ըստ նախագծի, քանդման ենթակա են լինելու օրենքի ընդունումից հետո կառուցված շինությունները: Նա խորհրդարանականներին հորդորել էր ձեռնպահ մնալ նախագիծն ընդունելուց:

Քվեարկության դրվեց և ընդունվեց նաև ԱԺ վերջին նիստի ընթացքում քննարկված մյուս  բոլոր հարցերը, այդ թվում Հայաստանի Հանրապետության 2020 թվականի պետական բյուջեի կատարման տարեկան հաշվետվությունը հաստատելու մասին որոշման նախագիծը: