Փորձելու են վերջնականապես ջարդել մեր ազգի դիմադրողականությունը և այն պահող ուժերին ու անհատներին. Իշխան Սաղաթելյան
ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը գրում է.
«Երկիրն աղետի հասցրած իշխանությունը շարունակում է իր արշավանքը սեփական պետության և ժողովրդի դեմ։
Իրենց հայրենադավ ծրագրերն ավարտին հասցնելու համար բանակից հեռացնում են լավագույն սպաներին, ձերբակալում պատերազմի օրերին ինքնապաշտպանություն կազմակերպած համայնքների ղեկավարներին, և ամենևին պատահական չէ, որ դա տեղի է ունենում հենց Տավուշում ու Սյունիքում։
Բազմաթիվ անհատներ ապօրինի, կեղծ մեղադրանքներով կանչվում են հարցաքննության և ենթարկվում քաղաքական հետապնդումների։
Ամեն ինչ պարզ է. փորձելու են վերջնականապես ջարդել մեր ազգի դիմադրողականությունը և այն պահող ուժերին ու անհատներին։
Մեկ մարդու դիկտատուրա հաստատելու ձգտումը քողարկվելու է «ժողովրդի կողմից վենդետայի իրավունք, պողպատե մանդատ ստանալու» և «օրինականություն հաստատելու» անվան տակ։
Շատերը, այդ թվում՝ իրենց ընդդիմադիր համարող որոշ ուժեր, անասնական բնազդով հրճվելու են։ Միջազգային կառույցները, մարդու իրավունքների պաշտպանությամբ զբաղվող հասարակական կազմակերպությունները «հասկանալի» պատճառներով լռելու են…
Օրեցօր խորանալու է թշնամանքի և ատելության մթնոլորտը, ներքաղաքական ճգնաժամը նոր դրսևորումներ է ունենալու, արժանապատվության, գիտելիքների տեր և կայացած բազմաթիվ մարդիկ արտագաղթելու են։
Հասարակությանը շարունակելու են կերակրել ստով, կեղծիքով և ամբոխավարությամբ։
Ի՞նչ անել
Առաջինը՝ մերժել այս իրավիճակը, չընդունել և չհամակերպվել ստեղծված իրավիճակի հետ։
«Հայաստան» դաշինքը ԿԸՀ-ի կողմից մինչ այս պահն արձանագրված տվյալներով ստացել է 270.000 քվե, իսկ ընտրություններին մասնակցած գրեթե յուրաքանչյուր երկրորդ քաղաքացի չի քվեարկել այս իշխանություններին։
Անհրաժեշտ է համախմբվել, գտնել արդյունավետ և գործնական մեխանիզմներ, ստեղծելով ազգային դիմադրության շարժում՝ պայքարել անդադար, պայքարել աննահանջ մինչև վերջին շունչը՝ օգտագործելով ողջ ռեսուրսը։
Նոր մոտեցումներով և մեթոդներով գիշեր֊ցերեկ աշխատել մեր քաղաքացիների հետ, մտնել յուրաքանչյուրի քաղաքացու տուն, դեմ առ դեմ բացատրել վիճակի լրջությունը։
Այն պահին, երբ այդ շրջանակները տեսնեն և գիտակցեն իրենց ու երկրին սպասվելիք մեծագույն աղետը, հայրենադավ իշխանությունը կշպրտվի պատմության աղբանոցը։
Մենք դա կարող ենք և անելու ենք, վստա՛հ եղեք։
Չընկճվե՛լ, չհուսահատվե՛լ, չնահանջե՛լ, չհիասթափվե՛լ։
Արժանապատիվ ազգ և պետություն դառնալու պայքարն այլընտրանք չունի»։
Հարակից հրապարակումներ`
- ԿԸՀ-ն այսօր կքննարկի Մեղրիի քաղաքապետի նկատմամբ քրեական հետապնդում հարուցելու և ազատությունից զրկելու հարցում համաձայնություն ստանալու միջնորդությունը
- Այն իրավական ամենաթողության լավագույն օրինակ կարելի է համարել. Քաջարանի քաղաքապետի պաշտպան
- Քաջարանի քաղաքապետը կալանավորվեց
- Քարահունջցին պատմում է՝ ոստիկանները սպառնալիքով ցուցմունք են կորզել․ Zangezur.tv
- Գրիգորի Խաչատուրովն ազատվել է 3-րդ բանակային կորպուսի հրամանատարի պաշտոնից
- Առուշ Առուշանյանին բերման են ենթարկել ՀՔԾ․ Փաստաբան
- Չկարողացանք այս պահին ՀՀ-ում ձևավորել նոր որակի իշխանություն, բայց նոր որակի ընդդիմությունն արդեն ձևավորված է. Իշխան Սաղաթելյան
- ՀՅԴ Հայաստանի Գերագույն մարմնի ներկայացուցիչ է վերընտրվել Իշխան Սաղաթելյանը
- Անհրաժեշտ է համաժողովրդաան զորաշարժ, Արցախին մենակ չպետք է թողնենք․ Իշխան Սաղաթելյան
- Իշխան Սաղաթելյան. Իր նպատակն է Նիկոլի դիկտատուրա, մեկ անձի բռնապետություն հաստատելը
- Իշխանութան քայլերը վկայում են ջղաձգումների ու պարտության զգացումի մասին. Իշխան Սաղաթելյան
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
