Ձեր վստահելի աղբյուրը

Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննությանը շարունակվում է։ Արդեն բացատրություններով հանդես են եղել ընտրությունների արդյունքներն անվավեր ճանաչելու համար դիմումներ ներկայացրած «Հայաստան» դաշինքն ու «Զարթոնք» ազգային քրիստոնեական կուսակցությունը։

Այժմ «Հայոց հայրենիք» կուսակցության ներկայացուցիչ Արտակ Գալստյանն է ներկայացնում իրենց դիմումը։ Նա նշեց, որ քվեաթերթրիկի նմուշը հաստատելուց ԿԸՀ-ն թույլ է տվել Ընտրական օրենսգքրի 59-րդ հոդվածի խախտում։ 

«Մենք պդնում ենք, որ քվեաթերթիկի նմուշը  չի համապատասխանել օրենքով սահմանված կարգին»,- նշեց Ա. Գալստյանը։ 

Հիշեցնենք, որ ընտրությունների արդյունքներն անվավեր ճանաչելու «Հայաստան» դաշինքի, «Զարթոնք» ազգային քրիստոնեական կուսակցության, «Հայոց Հայրենիք» կուսակցության և «Պատիվ ունեմ» կուսակցությունների դաշինքի դիմումներով գործերը ՍԴ-ում  միավորել են ու  քննում են նույն նիստում։ ՍԴ-ից հայտնել էին, որ միավորման համար հաշվի է առնվել, որ ՀՀ Կենտրոնական ընտրական հանձնաժողովի 2021 թվականի հունիսի 27-ի` «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքներն ամփոփելու մասին» թիվ 184-Ա որոշման հետ կապված վեճի վերաբերյալ» գործերը վերաբերում են նույն հարցին։ Այս գործով դատաքննությունը սկսվել է հուլիսի 9-ից։ 

ՍԴ նիստը՝ ուղիղ եթերում։