Ձեր վստահելի աղբյուրը

Նախընտրական քարոզարշավի ընթացքում որտիկանությունոմ արձանագրված դեպքերի մասին խոսելիս Սահմանադրական դատարանում,որտեղ քննվում է ԱԺ ընտրությունների արդյունքները վիճարկելու հարցը, Ոստիկանության պետի տեղակալ Արա Ֆիդանյանը հայտնեց, որ դրանք 285 են, որոնց կեսին ընթացք է տրվել։

«Իսկ ընտրության օրը և հաջորդող օրերին 611 դեպք է արձնագրվել, որոնցից 50 տոկոսից ավելին ընթացք է տրվել»,- ավելացրեց նա։

«Հայաստան» դաշինքի ներկայացուցիչ Արամ Վարևանյանն էլ հետաքրքրվեց,  հունիսի 15-ին Սյունքի մարզում հանրային հավաքին քանի՞ ոստիկան է ուղեկցել։

«Հանրահավաքների կամ ակցիաներին ոստիկանության ծառայողների ներգրավվածության մասին այս պահին չեմ կարող հայտնել, տվյալներ մոտս չկան»,- պատասխանեց ոստիկանության ներկայացուցիչը։ 

Վարդևանյանը նկատեց, որ Սյունիքի մարզում եղել են և' քաղաքացիական հագուստով, և' ոչ քաղաքացիական հագուստով ոստիկաններ։ Նա ,հնարավորության  դեպքում , խնդրեց  տրամադրել   «Հայաստան» դաշինքին և «Քաղաքացիական պայմանագրի» ուղեկցող  ոստիկանական ուժերի մասին տեղեկություն։

Ֆիդանյանն էլ արձագանքեց ՝ նշելով․ « Քաղաքացիական համազգեստի հետ կապված, գիտակցում եք, որ դրանք այն ծառայողներն են, որոնք օպերատիվ ծառայություն են իրականացնում և  թվաքանակ չի կարող տրամադրվել»։

Ինչ վերաբերում է հարցին, թե  տարբեր հավաքներին, տարբեր թվաքանակով ծառայողներ են ներգրաված լինում, Ֆիդանյանը պարզաբանեց․

«Մշակվում է հատուկ պլան ՝ յուրաքանչյուր միջոցառման համար առանձին և հաշվի են առնվում մի շարք չափորոշիչներ՝ տեղանքը, հավանական սպառնալիքները հասարական անվտանգության համար  և այլն։ Հետևաբար   միանշանակ չէ, որ բոլոր  միջոցառումներին նույն քանակությամբ ծառայողներ պետք է լինեն»։