Ձեր վստահելի աղբյուրը

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, մեկնաբանելով Հայիթիի նախագահ Ջովենել Մոիզի սպանության մեջ ԱՄՆ Մասնավոր ռազմական ընկերության (Private military company - PMC) ենթադրյալ մասնակցության մասին տեղեկությունները, հարց է բարձրացրել, թե որտեղ են պատժամիջոցներն ու իրավապաշտպանների արձագանքն այս առումով: Այս մասին գրում է Ria-ն։

Զախարովան ասել է, որ ԱՄՆ միջգերատեսչական պատվիրակությունը մեկնել է Հայիթի՝ հետաքննելու իրավիճակը ամերիկյան PMC-ի հետ, որի աշխատակիցները մեղադրվում են Հայիթիի նախագահի սպանությանը մասնակցելու մեջ:

«Իսկ որտե՞ղ են: Որտե՞ղ են պատժամիջոցները, G7-ի հայտարարությունները, ամերիկացի իրավապաշտպանների հիստերիան: Եվ պատճառն ավելի  քան սարսափելի», - Telegram-ում գրել է Զախարովան:

Ինչպես ավելի վաղ հայտնել էր CNN-ը՝ վկայակոչելով իր աղբյուրները, Մոիզի սպանության գործով մի քանի ձերբակալվածներ ԱՄՆ իրավապահ մարմինների, այդ թվում ՝ Հետաքննությունների դաշնային բյուրոյի ինֆորմատորներ են եղել։  Ձերբակալվածներից առնվազն մեկը թմրամիջոցների դեմ պայքարի վարչությունում (DEA) աշխատում էր որպես ինֆորմատոր:

Գործակալությունը նշել է, որ հարձակվողներից ոչ ոք չի գործել DEA-ի անունից: Նախագահի սպանությունից անմիջապես հետո լրատվամիջոցները հայտնեցին, թե հանցագործները ներկայանում են որպես DEA գործակալներ: Պետդեպարտամենտը կտրականապես հերքեց այս ենթադրությունները:
Ի պատասխան CNN- ի հարցման, ՀԴԲ-ն ասաց, որ տեղեկություն չի հաղորդելու տեղեկատուների մասին` նշելով, որ հետաքննության ընթացքում այն օգտագործում է «տեղեկատվություն հավաքելու օրինական աղբյուրներ»:

Հիշեցնենք, որ Հայիթիի նախագահը մահացու վիրավորվեց հուլիսի 7-ին իր նստավայրի վրա հարձակման արդյունքում: Նրա կինը՝ Մարտին Մոիզը, վիրավորվել է, և այժմ կայուն վիճակում է Մայամիի (ԱՄՆ) հիվանդանոցներից մեկը: Հայիթիի իրավապահ մարմինները հինգշաբթի օրը հայտնեցին, որ հայտնաբերել են Մոիզի սպանության 28 կասկածյալների, որոնցից 26-ը Կոլումբիայի քաղաքացի են: Ընդհանուր առմամբ, ոստիկանության պետի խոսքով, հանցավոր խմբի 17 անդամներ բերման են ենթարկվել: