Ձեր վստահելի աղբյուրը

«Հրապարակ» թերթը գրում է. «ՍԴ-ում «Հայաստան» դաշինքի պահանջներից մեկն էլ մանդատների բաշխման նոր կարգ սահմանելն է, ՍԴ-ն, ըստ օրենքի, ունի նման լիազորություն։ Եթե արձանագրում են, որ ընտրախախտումներն էական ազդեցություն են ունեցել, ապա մանդատների բաշխման նոր կարգ է սահմանվում, և ըստ այդմ՝ պակասեցնում են իշխող մեծամասնության մանդատները ու ավելացնում ընդդիմությանը։

Հիշեցնենք, որ ՔՊ-ն ստացել է 71 մանդատ, «Հայաստան» դաշինքը՝ 29, «Պատիվ ունեմ»-ը՝ 7։ Այսինքն՝ ՔՊ-ն ունի ԱԺ 2/3-ը և կարող է միանձնյա անցկացնել բոլոր նախաձեռնությունները, ընդունել սահմանադրական օրենքներ։

«Հայաստան» դաշինքը երեկ ՍԴ-ում պահանջեց՝ մեծամասնություն ունեցող խմբակցությանը տրվող մանդատները սահմանափակել պատգամավորական ընդհանուր մանդատների թվի մինչև 3/5-ով։ Իսկ ի՞նչ կլինի, եթե ՔՊ-ն խորհրդարանում չունենա 3/5։ Միայնակ չի կարող ընդունել սահմանադրական օրենքները․ համաձայն ՀՀ Սահմանադրության 103-րդ հոդվածի 2-րդ մասի՝ սահմանադրական օրենքներ են համարվում ԱԺ կանոնակարգը, ընտրական, դատական օրենսգրքերը, «Սահմանադրական դատարանի մասին» ՀՀ օրենքը, հանրաքվեի, կուսակցությունների, մարդու իրավունքների պաշտպանի մասին օրենքները։

Կարող է վաղաժամ դադարեցնել ՀՀ նախագահի լիազորությունները՝ պաշտոնանկության ճանապարհով։ Պաշտոնանկ անելու որոշումը կայացվում է ՍԴ եզրակացության հիման վրա՝ Ազգային ժողովի պատգամավորների ընդհանուր թվի ձայների 2/3-ով՝ գաղտնի քվեարկությամբ։ 3/5-ով նաև 6 տարի ժամկետով նշանակվում  են ՀՀ գլխավոր դատախազը, ԿԲ նախագահը և խորհրդի անդամները,ԿԸՀ կազմը, ՀՌՀ անդամները, Հաշվեքննիչ պալատը։ 3/5-ով այս պաշտոնյաներին նաև կարող են պաշտոնանկ անել»։

Մանրամասները թերթի այսօրվա համարում