Ձեր վստահելի աղբյուրը

Մոսկվան շփվում է թալիբների հետ տարածաշրջանում ստեղծված իրավիճակի վերաբերյալ իրենց դիրքորոշումը նրանց փոխանցելու անհրաժեշտության պատճառով: «ՌԻԱ Նովոստի»-ն ասել է ՌԴ նախագահի՝ Աֆղանստանի հարցերով հատուկ ներկայացուցիչ Զամիր Կաբուլովը։

Նշվում է, որ շարժման (Ռուսաստանում արգելված-․խմբ) ներկայացուցիչները հուլիսի 8-9-ը այցելել են Ռուսաստան:

Ըստ Կաբուլովի, Մոսկվան մի քանի տարի առաջ նախազգուշացրել էր, որ իրավիճակը հանրապետությունում կվատթարանա ամերիկյան զորքերի դուրսբերման ֆոնին:

«Եթե իրերն իրենց անուններով կոչենք, մենք դա շատ ավելի վաղ կանխատեսել էինք, ուստի 7 տարի առաջ մենք սկսեցինք կապեր հաստատել «Թալիբան» շարժման հետ ... Եկեք չմոռանանք, որ այժմ մենք խոսում ենք մարտավարական գործողությունների մասին: Բայց եկեք վերադառնանք մեծ, Աֆղանստանում տեղի ունեցած իրադարձությունների ռազմավարական արդյունքներին: Մի քանի տարի առաջ կար ամերիկյան ռազմաբազաների ցանց, և նրանց մեծ մասը ռազմավարական կապ չունեին Աֆղանստանի հետ, նրանք իշխանություն էին ծրագրում ամբողջ տարածաշրջանի վրա, այդ թվում մեր, Կենտրոնական Ասիայի, Իրանի, Պակիստանի ու Չինաստանի. Որտե՞ղ են այդ բազաները։ Դրանք չկան, սրանով ամեն ինչ ասված է»,- ասել է Կաբուլովը:

Գործակալության զրուցակիցը հավելել է, որ եթե այդ ժամանակ Մոսկվան չսկսեր կապեր հաստատել թալիբների հետ, ապա այժմ դժվար կլիներ երկխոսություն վարել:

«Հիմա պատկերացրեք, որ եթե յոթ տարի առաջ մենք կամուրջներ չկառուցեինք «Թալիբան» շարժման հետ, կապ չհաստատեինք, նրանց չհայտնեինք մեր մտահոգությունները, մեր շահերը, և մենք կհետևեինք ձախողված արևմտամետներին, հիմա ո՞ւմ հետ կխոսեինք: Նրանք խնդիրներ ունեն, բայց Ռուսաստանը կարող է խոսել Աֆղանստանի ցանկացած ուժի հետ», - եզրափակել է դիվանագետը:

2020 թվականին ԱՄՆ-ը և «Թալիբան»-ը ստորագրեցին 18 տարվա պատերազմի ընթացքում առաջին խաղաղության պայմանագիրը, որի համաձայն, ամերիկացի զինվորականները պետք է հեռանան Աֆղանստանից: Միևնույն ժամանակ, հանրապետությունում լարվածությունն աճում է. «Թալիբան»-ը գրավել է նշանակալի տարածքներ և նախահարձակ հարձակվել մեծ քաղաքների վրա։ Նրանց դեմ են կառավարական ուժերը: